Нэгдүгээр ангид элсэгчдийн бүртгэл эхэллээ
ЕБС-ын нэгдүгээр ангид элсэх багачуудын бүртгэл өнөөдрөөс эхэлж байна. Бүртгэл тавдугаар сарын 15-ныг хүртэл үргэлжилнэ гэж Нийслэлийн Боловсролын газраас мэдээллээ.
Эцэг эх болон асран хамгаалагч нь хүүхдээ дагуулан өөрийн биеэр бүртгүүлнэ.
Бүрдүүлэх материал:
- Төрсний гэрчилгээний эх хувь болон хуулбар
- Эцэг эх болон асран хамгаалагчийн цахим үнэмлэхний эх хувь болон хуулбар
- 3х4 хэмжээтэй 1 хувь чээж зураг
- Шаардлагатай тохиолдолд байрны оршин суух гэрээ болон ИБМТ-ийн лавлагааг үзнэ.
Хамран сургах тойргийн хүүхдийг ямар нэг элсэлтийн шалгалтгүйгээр бүртгэж, элсүүлнэ.
Элсэгчдээс бүртгэлийн хураамж болон бусад төлбөр авахгүй.
Эцэг эхийн иргэний үнэмлэх нь таны хүүхэд бүртгүүлэх сургуулийнхаа хамран сургах тойрогт багтсан эсэхийг гэрчилнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
6 СЭТГЭГДЭЛТЭЙ
|
