ФОТО: Монголын нэг өдөр
Өнөөдөр Сүхбаатарын талбай дээр алдарт эхийн одон гардуулах ёслол, төгсөлтийн болон төгсөлтийн ойн баярууд мөн Цагдаа, дотоодын цэргийн байгууллагын үйл ажиллагааг танилцуулсан өдөрлөг болж хөл хөдөлгөөн ихтэй байна. Түүнчлэн орой 16:00 цагаас "Огцрох амархан" жагсаал эхлэх юм.
Сүхбаатарын талбайг тойроод цэцэг, тоглоомын худалдаа гарсан байгаа ба алдарт эхийн одон авч буй ээжүүдэд зориулсан зураг авах гурван жижиг тайзыг засжээ. Харин хоёр хэсэг бүхий сүүдрэвч нь үйл ажиллагааных бус талбай дээр үйл ажиллагаанд оролцож буй хүмүүст амрах суудал бүхий хэсэг юм байна.
Алдарт эхийн одон гардуулах үйл ажиллагаа хоёр дахь өдрөө үргэлжилж байгаа бол талбайн том асарт болж буй цагдаагийн өдөрлөг өнөөдөр өндөрлөх юм. Энэ жил “Алдарт эх” нэг, хоёрдугаар зэргийн одонг улсын хэмжээнд 14,480 ээж хүртэж байгаа юм байна.
ВИДЕО:
Цагдаа, дотоодын цэргийн байгууллагын үйл ажиллагааг танилцуулсан нээлттэй хаалганы өдөрлөгөөр цагдаа, дотоодын цэргийн байгууллагад ажиллах хүсэлт гаргасан иргэдийг бүртгэж, өргөдлийг хүлээн авч, жолоодох эрхийн үнэмлэх олгох, хугацаа сунгуулах, галт зэвсэг, хувийн хамгаалалт, аюултай ачаа тээш тээвэрлэх зөвшөөрлийг хэрхэн авах талаар мэдээлэл өгч байгаа юм байна. Мөн цагдаагийн байгууллагын үе үеийн дүрэмт хувцас, техник, автомашин, тусгай хэрэгслээр үзэсгэлэн гаргажээ.
ВИДЕО:
ФОТО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
