2020/06/02
Америк доллар
МОНГОЛ БАНК:
2,805.97₮
B30
УЛААНБААТАР
13°
|
B30
УЛААНБААТАР
17°
|
B30
УЛААНБААТАР
17°
|
06:00
S26
07:00
S30
08:00
S30
09:00
S30
10:00
S30
11:00
S30
12:00
S30
13:00
S30
10°
14:00
S30
11°
15:00
S30
11°
16:00
S30
12°
17:00
S30
12°
Энэ мэдээ хуучирсан буюу 2017/04/21 -нд нийтлэгдсэн мэдээ болно.

"Боловсролын шинэчлэл-2017" үзэсгэлэнгийн үеэр шаардлага хангасан оюутнуудад газар дээр нь зээл олгоно

ikon.mn
2017 оны 4 сарын 21
iKon.MN
Зураг

"Боловсролын шинэчлэл-2017" үзэсгэлэн яармаг энэ сарын 21-24-ний өдрүүдэд "Мишээл экспо" төвд зохион байгуулагдана.

Үзэсгэлэн яармаг өнөөдөр 14:00 цагт “Мишээл экспо” төвд нээлтээ хийх бөгөөд нээлтийн арга хэмжээнд БСШУС-ын сайд Ж.Батсуурь, Хөдөлмөр, нийгмийн хамгааллын сайд Н.Номтойбаяр, “Боловсролын зээлийн сан”-гийн захирал П.Лхагвасүрэн, их, дээд сургуулийн удирдлагууд оролцоно. 

БСШУСЯ, Хөдөлмөр, нийгмийн хамгааллын яам, “Мишээл экспо” компани хамтран зохион байгуулж буй тус үзэсгэлэнд Нийслэлийн боловсролын газар, "Боловсролын үнэлгээний төв", Монгол Улсын төрийн болон төрийн бус өмчийн бүх их, дээд сургууль, коллеж, МСҮТ, "Боловсролын зээлийн сан", арилжааны банкууд зэрэг 90 гаруй байгууллага оролцох юм.

Үзэсгэлэн яармагийн үеэр ЕБС-ийн ахлах ангийн төгсөгчдөд мэргэжил сонголтын чиг баримжаа олгох, хөгжлийн бэрхшээлтэй хүүхдүүд хэрхэн ЭЕШ-т хамрагдах талаар мэдээлэл, аргазүйн зөвлөгөө өгөх юм.  

Түүнчлэн "Боловсролын зээлийн сан", арилжааны банкуудын хамт “Мишээл экспо” төвд ажиллаж тус зээлд хэрхэн хамрагдах талаар зөвлөгөө өгч, шаардлага хангасан оюутнуудад газар дээр нь зээл олгох, гадаадын 50-100 хувийн тэтгэлэгтэй их, дээд сургуулиудын талаарх нэгдсэн мэдээлэл өгөх зэрэг олон талын арга хэмжээ зохион байгуулахаар төлөвлөөд байна.

Иймд эцэг, эхчүүд, ЕБС-ийн төгсөх ангийн сурагчид та бүхнийг өргөнөөр оролцохыг урьж байна.

 

Эх сурвалж: БСШУСЯ




2020 оны УИХ-ын сонгуультай холбоотой нэгдсэн мэдээ, мэдээллийг та манай “Сонгууль 2020” хуудаснаас аваарай!

x