Худалдан авалт хийсэн баримтын сугалааны кодын хэдэн орон таарвал хэдэн төгрөг хожих вэ?

НӨАТ-ын урамшууллын системийн төслийн нэгжийн захирал Р.Отгонтулга: Тухайн иргэдийн гарт байгаа сугалааны найман оронтой тооны арын оронгоос эхлэн тааруулж харах хэрэгтэй. Харин таараагүй тохиолдолд энэ удаа хонжвор хожих найдваргүй гэсэн үг.

• Арын гурван орон таарвал иргэд ямартай ч 20 мянган төгрөгийн эзэн болно.
• Арын дөрвөн орон таарвал 100 мянга,
• Арын таван орон таарвал 500 мянга,
• Арын зургаан орон таарвал 4 сая,
• Арын долоон орон таарвал 7 сая,
• Найман орон бүгд таарвал 100 сая төгрөг хожно.

Супер азтан болох 100 сая төгрөгийг найман орон нь бүгд таарсан нэг хүн л хожих боломжтой. Ингээд сугалааны дугаар нь таарсан тохиолдолд баримтынхаа дугаарыг гурван сарын хугацаанд багтаан ebarimt.mn сайтад бүртгүүлнэ. Улмаар тухайн иргэний хонжвор нь автоматаар данс руу нь шилжин орох юм.