• 6 сарын 13, Баасан
ХУУЧИРСАН МЭДЭЭ: 2015/08/13-НД НИЙТЛЭГДСЭН

С.Даваасүрэн: Хатсан, хадгалах горим нь алдагдсан ЦАГААН БУДАА шохой шиг үйрч байсан

Б.БЯМБАСҮРЭН, iKon.mn
2015 оны 8 сарын 13
iKon.MN
 

 

Нийслэлийн Мэргэжлийн Хяналтын Газраас цахим сүлжээгээр яригдаад буй хуурамч цагаан будааны асуудлаар мэдээлэл хийлээ.

Монгол Улсад цагаан будаа савлах, хадгалах, импортлох, худалдаалах чиглэлээр үйл ажиллагаа явуулдаг 43 ААН-д НМХГ-аас төлөвлөгөөт бус хяналт, шалгалт хийжээ.

Шалгалтаар зөрчил илэрсэн долоон ААН-д албан шаардлага хүргүүлж, нийт 2.3 сая төгрөгийн шийтгэвэр ногдуулжээ. Мөн хугацаа нь дууссан хэдий ч буцаан татан авалт хийгдээгүй хоёр нэрийн 93 кг буюу 228,800 төгрөгийн цагаан будааг устгасан байна.

ХУУРАМЧ ЦАГААН БУДАА ИЛРЭЭГҮЙ

Энэ талаар НМХГ-ын дэд дарга С.Даваасүрэн:  “Лабораторийн шинжилгээний хариуг мэдээлэхэд бид Мон-Хангай Трейд компанийн “Бөмбөөлэй”, Номин Фүүдс компанийн “Заан”, Од группийн “Ургац”, Агь компанийн “Сакура”, MGL партнерс “Sunrise”, Грийн сити “Сувд” зэрэг нийт 11 нэр төрлийн будаанаас дээж авсан. Дээжнээс бид өнгө, үнэр, амт, чийглэг, гадны хольц, хор, пестицид, хөгц мөөгөнцөр, нитритийн үлдэгдэл зэргийг шинжлүүлсэн.

Шинжилгээний дүнд хадгалалтын хугацаа дууссан хэдэн будаанаас бусад нь чанарын шаардлага хангасан. Хугацаа нь хэтэрсэн буюу 12 сараас илүү хугацаанд хадгалагдсан, чийглэгээ алдсан будааг усанд хийгээд угаахаар шохойжин үйрч байсан байна. Өөрөөр хэлбэл энэ хуурамч будаа биш. Харин хатсан, хадгалах горимоо алдсан будаа гэсэн үг” гэв.

Мөн шалгалтын явцад гарсан нийтлэг зөрчлөөс дурдвал:

  • Будааны савлагаан дээр тариалалтаас авсан биш савласан хугацааг тавьж байна. Өөрөөр хэлбэл наймдугаар сард тариалалтаас оруулж ирсэн будааг дараа жилийн хоёрдугаар сард савлахдаа хоёрдугаар сард тариалалтаас авсан мэтээр савладаг,
  • Зориулалтын агааржуулалтын системгүй,
  • Агуулах стандартын шаардлага хангаагүй,
  • Монгол Улсад БНХАУ, ОХУ, Вьетнам, Энэтхэг, Тайланд, Австрали, БНСУ, Япон, АНУ гэсэн есөн улсаас импортлогдсон цагаан будаа худалдаалагдаж байгаа. Тэгвэл БНХАУ-аас ирж буй цагаан будааны 95 хувь нь хятад ханз үсгээр бичигдсэн, үйлдвэрлэгдсэн болон хадгалалтын хугацаа бичигдээгүй, буруу шошготой,
  • ОХУ, АНУ-аас бусад улсаас импортолсон цагаан будааны шошго Хувиргасан амьд организм буюу GMO-ын тэмдэглэгээгүй зэрэг зөрчлүүд гарчээ.
Энэ мэдээнд өгөх таны хариулал?
Зураг
ЗӨВ, ГОЁ
Зураг
ХАХА
Зураг
ХӨӨРХӨН ЮМ
Зураг
ГАЙХМААР
Зураг
БАХАРХМААР
Зураг
ХАРАМСАЛТАЙ
Зураг
ТЭНЭГЛЭЛ
Зураг
БУРУУ
ИЛГЭЭХ
БОЛИХ
Зураг
Баярлалаа
2 СЭТГЭГДЭЛТЭЙ
0/1000
Эхний
Сүүлийн
Шилдэг
Battsooj [112.72.13.124] 2015/8/14
Vvrsen budaa ideed baih uu tegeed sain arag hemjee avbaldeer baihaa
0 | 0 Хариулах
Зочин [109.130.16.79] 2015/8/13
тэр чинь цагаан будаа биш,цавууны зориулалтаар хийсэн эд шүү дээ,европд засварын газар хэрэглэдэг юм байна лээ
0 | 0 Хариулах