“Мечел”, “Jidong Cement” нүүрс нийлүүлэх гэрээ байгуулав
Оросын “Мечел” компани Хятадын “Jidong Cement” корпорацитай нүүрс нийлүүлэх гэрээ байгууллаа.
Гэрээний дагуу Оросын тал Якут дахь Нерюнгринск болон Элга ордоос нийт 1 сая тонн эрчим хүчний нүүрс 2016 оны гуравдугаар сар хүртэл нийлүүлэх юм. Бүтээгдэхүүн нийлүүлэлтийн үнийг сар бүр тогтоож байхаар гэрээнд тусгасан байна.
Түүнчлэн, 2 тал цаашид хамтын ажиллагаагаа өргөжүүлэн “Jidong Development” группт коксжих нүүрс нийлүүлэхээр төлөвлөж буй. “Jidong Cement” корпорацийн хувьд цемент үйлдвэрлэлээр дэлхийн шилдэг 10 компанид багтдаг юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
