Си Зиньпиний “үнэгний ав” үргэлжилсээр

Зураг дээр оргодол Лай Чаншинийг Канадаас баривчлан Бээжинд авчраад байгаа нь.

Хятадын засгийн газрын хэрэгжүүлж байгаа эдийн засгийн гэмт хэрэгтэй тэмцэх ажиллагааны хүрээнд цагдаа нар дэлхийн 32 орноос 150 гэмт хэрэгтнийг баривчлаад байгааг China Daily сонинд мэдээлжээ.

Эдийн засгийн гэмт хэрэгтэй тэмцэх албаны хүн Гао Фэний мэдэгдсэнээр эдгээр гэмт хэрэгтнүүдийн найм нь 10-аас дээш жил оргон зугтаж байгаа бол 44 нь олон арван сая юаний хэрэгт холбогдсон юм байна.

Өнгөрсөн онд Си Зиньпиний эхлүүлсэн авлигын эсрэг ажилагааны нэг хэсгийг “үнэгний ав” гэж нэрлэсэн ба их хэмжээний мөнгө луйвардаад Хятадаас оргон зайлсан этгээдүүдийг баривчилж яллах зорилготой.

Гаогийн хэлснээр нийт 192 тэрбум юаний ($30.96 тэрбум) 100,000 гэмт хэрэг бүртгэгдээд байгаа ба эдгээр нь голдуу олон нийтээс луйвардсан, кредит картны луйвар, хуурамч мөнгөн тэмдэгт үйлдвэрлэсэн зэрэг хэргүүд байдаг гэнэ.

Эх сурвалж: Reuters