Өмчилж буй хоёроос дээших ҮХХ-д үнэлгээний 0.6%-3.0% хувиар татвар төлнө
Татварын хуулийг төрөлжүүлэх, түүний хэрэгжилтийг хялбаршуулах зорилгоор Иргэн, Аж ахуйн нэгжийн хөрөнгө болох Үл хөдлөх эд хөрөнгө, Буу, Мал болон Автотээвэр, өөрөөр явагч хэрэгсэлд ногдуулдаг татварыг нэгдсэн байдлаар зохицуулахаар Хөрөнгийн Албан Татварын тухай хуулийн төсөл боловсруулжээ. Хууль батлагдсанаар...
- Бууны Албан Татварын Тухай Хууль, Монгол Улсын Автотээврийн Болон Өөрөө Явагч Хэрэгслийн Албан Татварын Хууль, Үл Хөдлөх Эд Хөрөнгийн Албан Татварын Тухай Хуулиуд хүчингүй болж,
- Татварын Ерөнхий Хууль, Төсвийн Тухай Хууль, Газрын Төлбөрийн Тухай Хуулиудад өөрчлөлт орж
- Хувь Хүний Орлогын Албан Татварын Тухай Хуулийн зарим заалт хүчингүй болох юм байна.
ҮЛ ХӨДЛӨХ ХӨРӨНГИЙН ТАТВАРЫН ХУВЬД
Зарим иргэд орон сууцыг амьдран суух зориулалтаар бус ашиг олох зорилгоор ҮХХ-өө бусдад түрээслэх, хөлсөх явдал нэмэгдэж байна гэж үзэн өмчилж буй 3 буюу түүнээс дээшхи ҮХХ-д татвар ногдуулахаар хуулийн төсөлд тусгажээ.
Үл хөдлөх хөрөнгийн байршил, зориулалт, хэмжээ, зах зээлийн эрэлт, нийлүүлэлтийг харгалзан Аймаг, Нийслэлийн ИТХ 0.6%-3.0% хувийн хязгаарт багтаан татварын хувь хэмжээг тогтоох юм байна.
Ж: Иргэн Б Хотын "А" зэрэглэлийн бүсэд 3ш орон сууцны байр өмчилдөг. Хуулийн төсөлд зааснаар түүний 3 дахь байрнаас татвар авах ба байр нь 150 сая төгрөгөөр үнэлэгдэж, Нийслэлийн ИТХ-с татварын хэмжээг 2.0% хувиар тогтоосон бол жилд нэг удаа 3 сая төгрөгийн татвар төлөх нь байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
19 СЭТГЭГДЭЛТЭЙ
|
