ХУУЧИРСАН МЭДЭЭ: 2025/06/08-НД НИЙТЛЭГДСЭН
Гүнтийн давааны болон Толгойтоос Улаанчулуутын хогийн цэг хүртэлх авто замыг 5-6 хоног хааж, засварлана
iKon.MN
Нийслэл хотод зургаадугаар сарын 10-ны Мягмар гарагт хоёр байршлын замын хөдөлгөөнийг хааж, засварлахаар болжээ.
Тодруулбал Толгойтын авто замаас Улаанчулуутын хогийн цэг хүртэлх зам болон Шарга морьтын уулзвараас Гүнтийн даваа хүртэлх замыг хааж, шинэчилнэ.
Сонгинохайрхан дүүрэг, 4-р хороо, Их нарангийн гудамжны хэсэгчилсэн засвар, шинэчлэлтийн ажлын хүрээнд Толгойтын авто замаас Улаанчулуутын хогийн цэг хүртэлх авто замыг 2025 оны зургаадугаар сарын 10-ны 22:00 цагаас зургаадугаар сарын 16-ны 06:00 цагийн хооронд хааж авто замын зорчих хэсгийн асфальт бетон хучилт, тэмдэглэгээний ажлыг хийнэ. Энэ үеэр түр замаар зорчуулна
Чингэлтэй дүүрэг, 24-р хороо, Шарга морьтын уулзвараас Гүнтийн даваа хүртэлх авто замын засвар, шинэчлэлтийн ажлын хүрээнд Гүнтийн постоос урагш хоёр километр замыг зургаадугаар сарын 10-ны 22:00 цагаас хааж замыг хааж, зургаадугаар сарын 15-ны 06:00 цагт нээнэ. Энэ үеэр цементээр бэхжүүлсэн суурь болон авто замын зорчих хэсгийн асфальтбетон хучилт, тэмдэглэгээний ажлыг хийх тул бусад замыг сонгож хөдөлгөөнд оролцохыг НЗХГ-аас мэдээллээ
Харин өнөө орой 22:00 цагаас Баруун дөрвөн замын уулзвараас Гэсэр сүмийн уулзвар хүртэлх замыг зургаадугаар сарын 11-ний 06:00 цаг хүртэл хаахыг дахин сануулж байна.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
