Мөнгө угаах гэмт хэргийн нийгмийн хор аюул

Мөнгө угаах гэмт хэрэг дараах хор уршигтай:

• Үлэмж хэмжээний эд хөрөнгө эдийн засгийн үндэслэлгүй улс дамнан шилжих нь зарим улс орон, тэр ч бүү хэл бүс нутгийн санхүү, эдийн засаг, нийгэм, улс төрийн нөхцөл байдалд асар их хор уршигтай.
• Хууль ёсны эргэлтэнд орж угаагдсан мөнгө зохион байгуулалттай гэмт явдал, авлига, терроризмын санхүүгийн эх үүсвэрийг бүрдүүлж үржил шимтэй хөрс нь болдог. 
   
• Шударга, чөлөөт өрсөлдөөний зарчим зөрчигддөг.
   
• Санхүүгийн байгууллагын хүчин чадлыг доройтуулдаг.
   
• Улсын төсөвт орох орлого буурч, татвараа шударгаар төлөгч иргэдийг хохироодог.

    
Монгол Улсын эдийн засгийн гадаад харилцаа өргөжин тэлж буй өнөө үед мөнгө угаах гэмт хэрэг үйлдэгдэх эрсдлийг бууруулах, түүнийг газар авахуулахгүй таслан зогсоох шаардлага зүй ёсоор тавигдаж байна.

Аливаа гэмт хэрэгтэй тэмцэхэд шударга иргэдийн сонор соргог байдал, туслалцаа нь хууль сахиулах байгууллагуудын үйл ажиллагаанд нэн чухал байдаг билээ. 
        
Иргэн Танд дээрх гэмт хэрэг үйлдэгдэж байж болзошгүй сэжигтэй үйлдлийн талаар мэдээ, мэдээлэл байгаа бол та яг одоо Олон нийттэй харилцах албаны 261802, иргэдээс мэдээлэл хүлээн авах 1-800-1280 зэрэг утас болон pro@gia.gov.mn электрон шуудан, санал хүсэлт хүлээн авах буланд мэдээллээ үлдээнэ үү.

Тагнуулын Ерөнхий газар