АН-ын бүлгийн дарга Д.ЭРДЭНЭБАТЫН хэлсэн 28 ОНЦЛОХ ЭШЛЭЛ

УИХ дахь Ардчилсан намын бүлгийн өчигдрийн ээлжит хуралдаанаа хэлэлцсэн асуудал анхаарал татсаар байгаа билээ. Энэ талаар өнөөдөр бүлгийн дарга Д.Эрдэнэбат мэдээлэл хийлээ.  

Түүний мэдээллээс дараах 28 онцлох эшлэлүүдийг хүргэж байна. 

Эдийн засгийг эрчимжүүлэх бодлогын хүрээнд:

1. Эдийн засгийн хүндрэлтэй байдлыг дөрөөлж улс төрийн болон хувийн ямар нэгэн ашиг сонирхлыг өдөөх нь Ардчилсан нам болон олонхийг бүрдүүлж байгаа намуудын эрх ашиг биш учраас хүлээн зөвшөөрч болохгүй гэсэн байр сууриа нэгтгэсэн. 
    
2. Монголчууд анхных нь шинээс илүү байдаг, хагархай аяганаас юм уудаггүй гэж ярьдаг. 
    
3. Аливаа нэгэн хагарал бутрал биднийг хүссэн хүсээгүй доош татах учраас асуудалд ингэж хандаж байна. 
    
4. Эдийн засгийг эрчимжүүлэх төсөл дөрвөн үндсэн хэсгээс бүрдэж байна. Тогтоолын хэрэгжилт хаврын чуулганы хугацаанд бүрэн хэрэгжиж дуусах ёстой. 
    
5. Зургаадугаар сарын 1-н гэхэд холбогдох бүх хууль батлагдах ёстой.  Урагшаа харж, үүссэн бодит байдлаас түргэн хугацаанд гарах нь зөв. 
    
6. Уул уурхайн бүтээгдэхүүнийг борлуулалтыг  нэмэгдүүлэх нөөц бололцоо байгаа гэдэгт УИХ, Засгийн газар анхаарал хандуулах ёстой гэж үзсэн.
    
7. Бизнесийн болон хөрөнгө оруулалтыг сайжруулахад маш прагматик шийдэл гаргах ёстой. 
    
8. Ярихаасаа илүү үйлдэл хийх ёстой. 
    
9. Татварын бололцоот хөнгөлөлтүүдийг эрж хайж, жижиг дунд үйлдвэр импортыг орлох бүтээгдэхүүнд гаалийн татвараас хөнгөлөх.
    
10. Хувийн өмч рүү хууль бусаар халдах, төрийн дарамт учруулах зэрэг явдал их болсон учраас өмчийг хуулиар хамгаалах нь зөв. 
     
11. Төрийн  данхайсан, төрийн өмчит комданиуд олширсон гэсэн шүүмжлэлийг бид хүлээж авах ёстой. 
     
12. Хоёр, гуравхан сарын дотор хэрэгжүүлэх ёстой. Хоёр сарын дотор эрчимжүүлэхэд гол санаа базагдсан.  

Ерөнхийлөгчийн санаачилсан “Давхар дээл”-ийн тухай хуулийн төслийн тухайд:

1. Засгийн газрын тухай хуульд өөрчлөлт оруулах тухай Ерөнхийлөгчийн өргөн барьсан хуулийн төслийн хувьд Ардчилсан намын бүлгийн гишүүд хуучин байр суурин дээрээ байгаа.  
    
2. Хуулийн хэрэгжих хугацаа 2016.07.01- ний өдрөөс хэрэгжих гэдэгт Ардчилсан нам нэгдмэл саналаар саналаа өгөхөөр шийдвэр гарсан. 

Хууль зүйн сайд Х.Тэмүүжинг огцруулах, эсэх тухайд:

1. Нийгэмд олон янзын мэдээлэл очиж байгаа ч  аливаа нэгэн хүнийг гэм буруутай нь тогтоогдоогүй байхад хариуцлага тооцох нь буруу гэдэгт бүлгийн гишүүд санал нэгдсэн. 
    
2. Ардчилсан намаас хэрэгжүүлж буй шинэчлэлийн бодлого ялангуяа, хууль эрх зүйн шинэчлэл цаашид үргэлжлэх ёстой гэж үзэж байна. 
    
3. Шударга ёсыг тогтооно, хууль хяналтын байгууллагыг өөрчилнө гэж амласан бол  хэрэгжүүлж дуусгах ёстой. 
    
4. Ардчилсан нам нэгдмэл байр суурин дээр очих ёстой гэсэн шаардлагыг Гүйцэтгэх зөвлөл тогтоолоор бүлэгт өгсөн. Энэ тогтоолыг хэлэлцэж Х.Тэмүүжинг огцруулахгүй, мөрийн хөтөлбөрийг үргэлжлүүлэх  нь зөв гэж үзсэн.

Намын дотоод ардчиллын тухайд:

1. Ардчилсан намын бүлгийн шийдвэр 100 хувь гэж гардаггүй. 
    
2. Намын гишүүд өөр өөрсдийнхөө үзэл бодлоор саналаа илэрхийлдэг. 
    
3. Гэхдээ бид аливаа асуудлыг олонхиороо шийддэг. 
    
4. Олонхийн шийдвэр Ардчилсан намын шийдвэр байх ёстой гэж үздэг. 
    
5. Тухайн байнгын хороо чуулганы хуралдааны үеэр тухайн гишүүн өөрийн саналаа өгч байгаа нь УИХ-ын гишүүнийхээ хувьд халдашгүй байдаг. 
    
6. Хяналтын Ерөнхий хороо бол манай намын Үндсэн хуулийн цэц гэсэн үг.  
    
7. Хяналтын ерөнхий хороо дүгнэлт гаргасан. Р.Бурмааг намаас хассан гэсэн өрөөсгөл мэдээлэл гарч байна. 
    
8. Ардчилсан намын дүрэмд намаас хасах тухай ганцхан заалт байдаг.  
    
9. Бид Ардчилсан намаас нэр дэвшсэн. Үзэл бодлоороо цугласан. Улс төрийн сонгуульд Ардчилсан нам гэсэн бидний гэр байгаа. 
    
10. Энэ намыг дэмжсэн олон мянган сонгогчдын сонголтоор бид шинэчлэлийн төлөө ажиллаж байна гэдгийг гишүүн бүр бодох хэрэгтэй.