Энэ амралтын өдрүүдэд ихэнх нутгаар цаг агаар тогтуун байна
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
Энэ сарын 02-04-нд ихэнх нутгаар цаг агаар тогтуун, дулаарахыг цаг уурын байгууллагаас мэдээллээ.
Тавдугаар сарын цаг агаарын төлөвийг ЭНД ДАРЖ харна уу.
2026 оны 05-р сарын 03-07-ныг хүртэлх цаг агаарын урьдчилсан төлөв:
Хур тунадас:
- 4-нд баруун болон төвийн аймгуудын нутгийн хойд хэсгээр,
- 5-нд баруун болон төвийн аймгуудын нутгийн зарим газраар,
- 6-нд төвийн аймгуудын ихэнх нутаг, зүүн аймгуудын нутгийн баруун хэсгээр хур тунадас орно.
Салхи:
- 4-нд нутгийн хойд хэсгээр,
- 5-нд нутгийн зарим газраар,
- 6-нд говь, талын нутгаар секундэд 13-15 метр хүрч ширүүсэж, шороон шуурга шуурна.
Агаарын температур:
- Ихэнх нутгаар дулаарч, шөнөдөө Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр голын хөндийгөөр -1...-6 градус хүйтэн,
- Их нууруудын хотгор, говийн бүс нутгийн өмнөд хэсгээр +10...+15 градус, говийн бүс нутгийн хойд хэсгээр +5...+10 градус,
- бусад нутгаар 0...+5 градус дулаан, өдөртөө Монгол-Алтай, Хангай, Хөвсгөл, Хэнтийн уулархаг нутаг, Завхан, Заг-Байдраг голын эх, Идэр, Тэс голын хөндийгөөр +12...+17 градус,
- Хангайн нурууны өвөр бэл, Орхон-Сэлэнгийн сав газар, говийн бүс нутгийн баруун өмнөд хэсгээр +24...+29 градус, бусад нутгаар +18...+23 градус дулаан байна.
- 5-нд ихэнх нутгаар,
- 6-нд нутгийн зүүн хэсгээр сэрүүснэ.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
