МАН-ын удирдах зөвлөлөөс Д.Ихбаярыг НИТХ-ын даргаар томилох шийдвэр гаргажээ
Нийслэлийн Иргэдийн Төлөөлөгчдийн Хурал (НИТХ) Монгол ардын намын бүлгийн төлөөлөгчид энэ долоо хоногийн Даваа гарагт (2026.04.27) ээлжит бусаар хуралдаж, НИТХ-ын дарга А.Баярыг огцруулсан.
Улмаар НИТХ-ын даргад Д.Ихбаярыг нэр дэвшүүлж, МАН-ын Удирдах зөвлөлд танилцуулахаар болсон юм. Тэгвэл өнөөдөр МАН-ын Удирдах зөвлөл хуралдаж, НИТХ-ын даргаар Д.Ихбаярыг томилох шийдвэр гаргасан байна.
Үргэлжлүүлэн өнөө орой НИТХ-ын төлөөлөгчид ээлжит бусаар хуралдаж, Д.Ихбаярыг НИТХ-ын даргаар сонгохоор болжээ.
Д.ИХБАЯРЫН НАМТАР:
- 2002-2006 он МУИС-ийн МХСС-ийг Монгол хэл, япон хэл орон судлаач /БАКАЛАВР/
- 2011-2013 он Хүмүүнлэгийн ухааны их сургуулийн Хэл шинжлэл /МАГИСТР/
- 2012-2015 он Их засаг олон улсын их сургууль, Эрх зүйч
АЖЛЫН ТУРШЛАГА:
- 2008-2009 он "Их засаг" олон улсын их сургуульд Гадаад харилцааны мэргэжилтэн
- 2009-2013 он "Их засаг" олон улсын их сургуулийн Лицей сургуулийн захирал
- 2013-2014 он Баянгол дүүргийн ЗДТГ-ын ГБХЗХХ-ийн дарга
- 2014-2016 он Баянгол дүүргийн ЗДТГ, ЖДҮДТ-ийн дарга
- 2016-2018 он Сонгинохайран дүүргийн ЗДТГ-ын ХХҮХ-ийн дарга
- 2018-2020 он Нийслэлийн МАН-Сургалт судалгаа олон нийттэй харилцах хэлтсийн дарга
- 2020-2021 он Нийслэлийн ЗДТГ-ын Нийслэлийн Засаг даргын Инноваци технологийн асуудал хариуцсан орлогч дарга
- 2021-2022 он Нийслэлийн ЗДТГ-ын Нийслэлийн Засаг даргын Агаар орчны бохирдол, ногоон байгууламж хариуцсан орлогч дарга
- 2020-2024 он Нийслэлийн Иргэдийн Төлөөлөгчдийн Хурлын Төлөөлөгч, Нийслэлийн МАН-ын Бүлгийн дарга
- 2024 оноос Нийслэлийн Иргэдийн Төлөөлөгчдийн Хурлын Төлөөлөгч, Нийслэлийн МАН-ын Бүлгийн дарга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
