Нийслэлийн засаг даргын орлогч асан Т.Даваадалайг авлигын хэрэгт яллагдагчаар татжээ
Улаанбаатар хотын мега төслүүдтэй холбоотой асуудлуудыг хууль хяналтын байгууллагууд шалгаж эхлээд буй.
Үүнтэй холбогдуулан нэгдүгээр тойрог замын асуудалд нээсэн хэрэг бүртгэлтийн хэргийг, Нийслэлийн Прокурорын газраас тогтоосон харьяаллын дагуу 2026 оны дөрөвдүгээр сарын 29-ний өдөр Цагдаагийн байгууллагаас Авлигатай тэмцэх газарт шилжүүлэн ирүүлсэн аж.
Тухайн хэрэгт Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч асан Т.Даваадалайг Эрүүгийн хуулийн тусгай ангийн 22.1 дэх хэсэгт заасан үндэслэлээр яллагдагчаар татан, эрүүгийн хэрэг үүсгэж мөрдөн шалгах ажиллагааг явуулж байгаа талаар албаны эх сурвалж мэдээллээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
