Таны оролцоо - Ногоон ирээдүйн эхлэл

Монголын барилгын салбарт сантехникийн бараа материалыг Бельги, Польш, Испани, ОХУ болон Солонгос улсаас оруулж ирэн Монголын зах зээлд худалдаалдаг Пөөрл Сити ХХК нь 2025.04.11-ний өдөр Монголын Худалдаа аж үйлдвэрийн танхимд “ТАНЫ ОРОЛЦОО – НОГООН ИРЭЭДҮЙН ЭХЛЭЛ”  нэртэй эрчим хүчний хэмнэлттэй, ногоон барилгыг дэмжсэн, шинэ технологи, дэвшилтэт шийдлүүдийг танилцуулсан өдөрлөгийг амжилттай  зохион байгууллаа..

Уг арга хэмжээнд дэлхийд тэргүүлэх брэнд болох Бельги улсын JAGA брэндийн гүйцэтгэх захирал ноён Jan Kriekels, Польш улсын Ferro группийн бүс хариуцсан захирал ноён Nazar Oliynyk нар үйлдвэрүүдээ төлөөлөн ирж Монголын барилгын салбарын төлүүлэгчдэд бараа бүтээгдэхүүн, давуу талаа танилцуулсан билээ.

Энэхүү нэг өдрийн арга хэмжээнд Монголын барилгын компаниудын төлөөлөл, сантехник угсралт, барилгын зураг төслийн байгууллагууд, зөвлөх болон мэргэшсэн инженерүүд, төрийн холбогдох шатны мэргэжилтнүүд зэрэг томоохон цар хүрээг хамарсан ховорхон тохиох арга хэмжээ болон өндөрлөлөө.