Гэрэл зургийг MPA агентлагийн онцгой зөвшөөрөлтэйгөөр ашиглав

Хүүхдэдээ тавих хараа хяналтаа сайжруулж дэлгэцийн хамаарал, донтолтоос урьдчилан сэргийлэх зөвлөмжийг Гэмтэл Согог Судлалын Үндэсний Төв (ГССҮТ)-өөс хүргэлээ. 

Ухаалаг гар утас, компьютер, таблет, зурагт зэрэг хэт ягаан туяа ялгаруулагч төхөөрөмж байнга үзэх, ширтэх хүсэлтэй болж өөрийгөө хянах чадвараа алдахыг дэлгэцийн донтолт гэнэ. 

Дэлгэцийн донтолтод ихэвчлэн өсвөр насныхан өртдөг. Энэ нь

• Сэтгэл гутралд орох
• Сэтгэл санаагаар унах
• Өөрийгөө бусдаас доогуур үнэлэх зэргээр сэтгэцийн эрүүл мэндэд сөргөөр нөлөөлдөг байна.

Дэлгэц хэтрүүлэн хэрэглэж буй хүүхдэд илрэх шинж тэмдгүүд:

Бие махбодын хувьд:

• Ядарч сульдан, гарын алга хөлрөх
• Толгой өвдөх, эргэх
• Хоолны дуршил буурах
• Булчин сулрах
• Ярихдаа ээрэх
• Нүд улайх, хараа муудах
• Орондоо шээх

Сэтгэл зүйн хувьд:

• Түрэмгий зан авир гаргах
• Цочромтгой болох
• Нойргүйдэх
• Идэвх сонирхолгүй болох
• Хичээлээ таслах, завсардах, хаях
• Сэтгэл түгшилт, сэтгэл гутралд орох

Өдөрт хэдэн цаг дэлгэцийн хэрэглээнд зарцуулах вэ?

• 0.2 нас: огт хэрэглэхгүй
• 3-6 нас: 1-1.5 цаг
• 6-12 нас: 1.5-2 цаг
• 13-18 нас: 2-2.5 цаг

Дэлгэцийн донтолтоос сэргийлэх зөвлөмж:

• Өөрсдөө биеэр үлгэр дуурайлал үзүүлэх
• Гар утас, таблет, компьютер, зурагтыг нэг удаад 30 минутаас илүүгүй өдөрт хоёр цагаас ихгүй үзэх, тоглох
• Хүүхдийнхээ интернэт ашиглах идэвхтэй байдлыг хянах, хязгаарлалт хийх
• Хүүхдэдээ өдөр бүр тодорхой цагийг зарцуулах
• Унтлагын өрөөнд нь зурагт болон компьютер тавихгүй байхыг зөвлөлөө. 

ВИДЕО: