Зөөвч-Овоо төслөөс тухайн орон нутагт олгогдох $1саяд хяналт тавихыг холбогдох сайд нарт болон Дорноговь аймгийн засаг дарга О.Батжаргал нарт даалгажээ

Гэрэл зургийг MPA агентлагийн онцгой зөвшөөрөлтэйгөөр ашиглав

Засгийн газрын ээлжит хуралдаан өнөөдөр боллоо. Энэ үеэр Засгийн газрын хэрэг эрхлэх газрын дарга Н.Учрал  Дорноговь аймгийн Улаанбадрах сумын Аргалант багийн нутагт үйл ажиллагаа явуулах гэж буй Зөөвч-Овоо ураны ордын зарим асуудлаар холбогдох байгууллагуудад өгсөн чиглэлийг танилцууллаа. 

1. Дорноговь аймгийн нутаг дэвсгэрт өнөөг хүртэл хийгдсэн геологи хайгуулын ажлын үр дүн, уран олборлолтын техник технологийн орчин үеийн шийдэл, аюулгүй ажиллагааны талаар мэдээллийг бэлтгэж, хяналт тавин олон нийтэд тухай бүрд нь хүргэж байхыг АҮЭБ-ны сайд Ц.Туваан, Ашигт малтмал газрын тосны газрын дарга Ганхуяг, Үндэсний геологийн алба Батцацрал нарт даалгасан байна. 
2. Мөн Дорноговь аймгийн Улаанбадрах сумын нутаг дэвсгэрт байрлах олборлох, боловсруулахтай холбоотой хүн мал амьтан, хүрээлэн буй орчинд үзүүлэх цацрагийн нөлөөллийн талаар олон улсын болон мэргэжлийн байгууллага, эрдэмтэн судлаачдын хийсэн судалгааны ажлын үр дүнд тулгуурлаж холбогдох мэдээллийг өгч хамтарч ажиллахыг Цөмийн энергийн комиссын ажлын албаны дарга Манлайжав, Мал эмнэлгийн ерөнхий газрын дарга  Нарантуяа, ШУА-ын Физик технологийн хүрээлэн МУИС-ийн харьяа цөмийн физикийн судалгааны төвийн удирдлагуудад чиглэл болгосон байна. 
3. Мал амьтан, хүрээлэн буй орчинд үзүүлэх нөлөөллийн талаар өмнө нь хийгдэж байсан судалгаануудыг өргөтгөж иргэдийн оролцоог хангуулан мэдээллийг олон нийтэд хүргэж байхыг БОУАӨ-ын сайд Одонтуяа, Усны газрын дарга З.Батбаяр, Шинжлэх ухааны академийн хими химийн технологийн хүрээлэнгийн захирал Жаргалсайхан нарт үүрэг болгосон. 
4. Энэ ордыг эдийн засгийн эргэлтэд оруулснаар нийгэм, эдийн засаг, орон нутагт үзүүлэх үр нөлөө, бүтээн байгуулалт эхэлснээс хойш нийгмийн хариуцлагын хүрээн суманд 1 сая ам.доллар олгоно. Үүнд хяналт тавьж ажиллахыг Тэргүүн шадар сайд Гантөмөр, Сангийн сайд Жавхлан, Дорноговь аймгийн засаг дарга Батжаргал нарт даалгасан байна. 
5. Мөн энэхүү төслийн явцад хяналт тавих чиглэлээр ТББ, Иргэний нийгмийн байгууллага, мэргэжлийн хараат бус шинжээчдээс бүрдсэн орон тооны бус иргэдийн хяналтын зөвлөлийг байгуулж ажиллахыг Монгол Улсын сайд, Засгийн газрын хэрэг эрхлэх газрын дарга Н.Учрал, Эрдэнэс Монгол компани Наранцогт, Мон-Атом компанийн захирал Далайжаргал нарт даалгажээ. 
6. Хөрс, ус, агаарт цацрагийн болон цөмийн хэмжилт шинжилгээ хийх олон улсын стандарт нийцсэн лабораторийг орон нутагт нь байгуулах үүргийг АҮЭБ-ны сайд Ц.Туваан, Цөмийн энергийн комиссын ажлын албаны дарга Манлайжав нар даалгасан байна. 

ВИДЕО: