Английн "Челси" клуб Конфренс лигийн аварга боллоо
Польшийн "Вроцлав" цэнгэлдэх хүрээлэнд цугласан 40,000 орчим үзэгчид Английн "Челси" болон Испанийн "Реал Бетис" багийн шигшээ тоглолтыг үзлээ.
Европын хөлбөмбөгийн холбооноос зохион байгуулдаг гуравдугаар зэрэглэлийн цом болох Конфренс лигийн аваргын төлөө тус хоёр баг тулсан юм. Тоглолтын 9 дэх минутад марокко хагас хамгаалагч Абде Эззалули эхний гоолыг оруулснаар "Реал Бетис" тоглолтыг тэргүүлж эхэлсэн.
Испанийн клуб 65 дахь минут хүртэл үр дүнгээ хадгалсан ч англи хагас хамгаалагч Коул Палмерын оновчтой дамжуулалтын ачаар аргентин эр Энцо Фернандез тоог тэнцүүлж, камерун довтлогч Николас Жексон хоёр дахь гоолыг оруулжээ.
Үлдсэн хугацаанд Лондоны баг ялалтаа баталгаажуулж, хоёр гоол нэмж хийснээр өрсөлдөгчөө 4:1-ээр буулган авсан юм.
Ийнхүү "Челси" клуб Европын таван тэмцээнд түрүүлсэн анхны баг боллоо. Тэд өмнө нь Аваргуудын лиг, Европа лиг, Супер цом, Цомтой багуудын цомын тэмцээнд түрүүлж байв.
1960 оноос хойш 1999 он хүртэл 39 жил зохион байгуулагдсан "UEFA Cup Winners Cup" тэмцээнд Лондоны баг хошой аварга болж байжээ.
Эх сурвалж: BBC
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
7 СЭТГЭГДЭЛТЭЙ
|
