"The MongolZ" баг $1 саяын шагналын сантай "IEM Melbourne 2025" тэмцээний шөвгийн дөрөвт шалгарлаа
Цахим спортын "Counter Strike 2" тоглоомын өндөр чансаатай "Intel Extreme Masters Melbourne 2025" тэмцээн Австралийн Мельбурн хотод Playoffs шатны тоглолтуудаар үргэлжилж байна.
Тус шатанд манай улсын "The MongolZ" баг Нидерландын "Team Liquid" багтай "Во3" (гурван "map"-аар ялагчийг тодруулах) журмаар өнөөдөр тоглож, 1:2 онооны харьцаатай хожлоо.
Ингэснээр нэг сая ам.долларын шагналын сантай "Intel Extreme Masters Melbourne 2025" тэмцээний шөвгийн дөрөвт шалгарч байна. "The MongolZ" баг шөвгийн дөрөвт Францын "Team Vitality"-тай маргааш 18:00 цагт тоглоно.
Хэрэв хожвол энэ долоо хоногийн Ням гарагийн 14:30 цагт тус тэмцээний аваргын төлөө Данийн "MOUZ" болон Саудын Арабын "Team Falcons"-ын аль нэгэнтэй нь өрсөлдөх юм.
Өнөөдрийн тоглолтын зургуудаас:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
