"The MongolZ" баг "PGL Bucharest 2025" тэмцээнд дахин хожигдох эрхгүй боллоо
Цахим спортын "Counter Strike 2" тоглоомын "PGL Bucharest 2025" тэмцээн Румын улсын Бухарест хотод зохион байгуулагдаж байна.
1.2 сая ам.долларын шагналын сантай тус тэмцээнд манай улсын "The MongolZ" баг дэлхийн чансааны оноогоор уригдан оролцож байгаа юм. Энэ тэмцээнд оролцох 16 баг тойргийн журмаар тоглоно. Нэг баг нийт таван удаа тоглох эрхтэй. Түрүүлж гурван удаа хожсон найман баг нь Playoffs шатанд шалгарна.
Манай улсын багийн хувьд өчигдөр тойргийн шатны эхний тоглолтоо Францын "3DMAX" багтай хийж, 1:2 онооны харьцаатай ялагдсан. Үргэлжлүүлэн хоёр дахь тоглолтоо өнөөдөр Польшийн "Betclic Apogee Esports" багтай хийж, 0:2 онооны харьцаатай хожигдлоо. "The MongolZ"-ийн хувьд Польшийн багтай анх удаа оноолт таарч тоглосон нь энэ байв.
Ийнхүү тэд нийлбэр дүнгээр хоёр ялагдсанаар тойргийн шатанд дахин хожигдох эрхгүй болж байна. Хэрэв гурав дараалан хожил байгуулж чадвал энэхүү тэмцээний шөвгийн найм буюу Playoffs шатанд шалгарна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
19 СЭТГЭГДЭЛТЭЙ
|
