Гэрэл зургийг MPA агентлагийн онцгой зөвшөөрөлтэйгөөр ашиглав

Зам тээврийн осол гэмтлээс урьдчилан сэргийлэхийг Гэмтэл Согог Судлалын Үндэсний Төв (ГССҮТ)-өөс сэрэмжлүүлэв.

2024 оны осол гэмтлийн тэргүүлэх таван шалтгаан:

• Уналт 42.5 хувь
• Амьгүй механик хүчинд өртөх 18.3 хувь
• Зам тээврийн осол 12.4 хувь
• Амьтай механик хүчинд өртөх 8.6 хувь
• Хүчирхийлэл 8.4 хувь

2020-2024 онд нийт 106,599 зам тээврийн ослын шалтгаант өвчлөл бүртгэгдсэн байна.

2024 оны байдлаар 27,660 тохиолдол бүртгэгдсэн бөгөөд энэ нь өмнөх оноос 17.5 хувиар өссөн үзүүлэлттэй байна.

Зөвлөмж:

• Явган хүний гарцтай газар хурдаа тохируулах
• Хол замд тээврийн хэрэгслийн бүрэн бүтэн байдлыг хангах
• Тогтмол хугацаанд оношилгоо, үйлчилгээнд хамруулж байх
• Нойрмоглосон мөн бие, сэтгэл зүйн байдал тогтворгүй үед тээврийн хэрэгсэл жолоодохгүй байх
• Хамгаалалтын бүсээ тогтмол зүүж хэвших (зорчигч тус бүр хамгаалах бүсээ зүүх)
• Хүүхдийн нас, жинд тохирсон зориулалтын суудалд суулгах зорчих
• Автомашины даац болон зорчигчийн тоог хэтрүүлэхгүй байх
• Согтууруулах ундаа хэрэглэсэн үедээ жолооны ард суухгүй байх
• Шөнийн замд гэрлээ шилжүүлэх
• Жолооны эрхгүй хүнд жолоо шилжүүлэхгүй байхыг тус тус зөвлөлөө.

ВИДЕО: