Л.Энх-Амгалан: Эцэг, эхийнхээ тэтгэврийг хувьдаа завшдаг паразитуудыг зургаан сараас нэг жилээр хорьдог болно

Гэрэл зургийг MPA агентлагийн онцгой зөвшөөрөлтэйгөөр ашиглав

Өндөр настай аав, ээжийгээ тэтгэврийн зээл авхуулаад хүүхдүүд нь өөрсдөө ашигладаг байдал их бий. 

Энэ асуудлыг шийдэхийн тулд "Эцэг, эхийнхээ тэтгэврийг хувьдаа завшдаг паразитуудыг зургаан сараас нэг жилээр хорьдог болно" хэмээн Гэр бүл, хөдөлмөр, нийгмийн хамгааллын сайд Л.Энх-Амгалан Х хаягтаа бичсэн байна.

Мөн тэрбээр "Ахмад настны эсрэг үйлдэгдэж буй хүчирхийллийн хавсарсан байдлаар сэтгэл санааны хүчирхийлэл 64%, бие махбодын хүчирхийлэл 47%, эдийн засгийн хүчирхийлэл 36%, үл хайхрагдах байдал 21% эзэлж байна" гэжээ.

2020 онд Монголын Ахмадын Холбооноос танилцуулж байсан судалгаагаар тэтгэврийн зээл авсан ахмадуудын 0.1 хувь нь өөртөө зарцуулсан бол 20-30% нь өр төлөх гэж, үлдсэн хувь нь үр хүүхдүүддээ сургалтын төлбөр, байр, машины зээл авахад нь нэмэр болох гэж авсан байдаг аж.