Х.Нямбаатар: 20-той охин ээжийнхээ цүнхийг бариа биз. Миний охины юу өмсөхийг чи заахгүй
УИХ-ын чуулганы өнөөдрийн үдээс хойших хуралдаанаар Хот тосгоны эрх зүйн байдлын тухай хуулийн төслийг хэлэлцэж байна. Энэ үеэр Хотын дарга Х.Нямбаатар ажлын хэсгийн хувиар чуулганы хуралдаанд оролцож гишүүдийн асуултад хариулт өгөв.
Түүнээс сүүлийн үед олны анхаарал татаад буй асуудлын талаар сэтгүүлчид хариулт авлаа.
Ерөнхий сайд Л.Оюун-Эрдэнийн хүүгийн найз бүсгүй гэх эмэгтэйн олон нийтийн сүлжээнд нийтэлсэн зураг шүүмжлэл дагуулаад байгаа. Тэгвэл хотын дарга Х.Нямбаатарын охины зургийг ч олон нийт "Тансаг хэрэглээтэй" хэмээн шүүмжилсэн.
Энэ талаар Х.Нямбаатар "Ээж нь бизнес хийдэг. Миний хөрөнгө орлогын мэдүүлэг дээр компани, төлсөн татварын мэдээлэл байгаа. Үүнийг нээлттэй мэдээллийн сангаас харж болно. 20 настай охин ээжийнхээ цүнхийг бариад инстаграмд зураг оруулах болохгүй зүйл үү" гэдэг хариулт өгсөн.
"Бүх хувцас хэрэглэл нь ээжийнх нь гэж үү" гэсэн сэтгүүлчийн асуултад хотын дарга Х.Нямбаатар "Миний охины юу өмсөхийг чи заахгүй. Тийм биз дээ" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
