ВИДЕО: Өнөөдрийн хамгийн хөгжилтэй байнгын хорооны хуралдаан

УИХ-ын байнгын хороодын өнөөдрийн хуралдаанаар Монгол Улсын нэгдсэн төсвийн 2023 оны гүйцэтгэл, Засгийн газрын санхүүгийн нэгтгэсэн тайлан болон “Монгол Улсын 2023 оны төсвийн гүйцэтгэл батлах тухай” УИХ-ын тогтоолын төслийг хэлэлцэв.

Энэ үеэр гишүүдийн аудитын дүгнэлттэй холбоотой асуултад Монгол Улсын Ерөнхий аудитор Д.Загджав “хариуллаа”. Гэвч тэрбээр нэг ч гишүүний асуултад бүрэн гүйцэд хариулт өгч чадаагүйгээс гадна асуултаа ойлгохгүй байв.

Мөн түүний чадан ядан эвлүүлж хэлж буй хариултыг түүний хажууд суусан аудитор эмэгтэй нэг бүрчлэн хэлж өгч, шаардлагатай тоо баримтыг хуруугаараа зааж өгч байгаа нь бичлэгт харагдана. 

Д.Загджавын зөвхөн нэг байнгын хорооны хуралдаанд эхний хоёр гишүүний асуултад хариулсан болон түүнийг нь сонсоод гайхаж, сандарч буй Байнгын хорооны дарга Ц.Даваасүрэнгийн тайлбарын бичлэгээс хэсэгчлэн авснаа хүргэж байна. 

БИЧЛЭГ ҮЗЭХ: 

Д.Загджав нь эрх зүйч, эдийн засагч, инженер мэргэжилтэй. 

Түүний төгсөн сургууль, ажилласан байдал:

Төгссөн сургууль:

• 1971-1981 онд Ховд аймгийн10 жилийн  1-р  дунд сургууль,
• 1981-1985 онд Нийгмийг аюулаас хамгаалах яамны Цэргийн дээд сургууль;
• 1997-1999 онд Төрийн Захиргааны Удирдлагын Хөгжлийн Институт,
• 1999-2000 онд Төрийн Удирдлагын академи;
• 2001-2003 онд Оросын Холбооны Улсын Новосибирск хотын эдийн засгийн удирдлагын Улсын академи;
• 2015-2018 онд Оросын холбооны улсын Иркутск хотын Зам харилцааны Улсын их сургууль.

Гавьяа шагнал:

• 2000 он  Алтангадас одон
• 2012 он  Хөдөлмөрийн гавьяаны Улаан тугийн одон
• 2017 он  Цэргийн гавьяаны одон
• 2023 он Цэргийн гавьяаны Улаан тугийн одон
• Ардын Хувьсгалын 70, 80, 90,100 жил болон  бусад одон медалиуд

Эрдмийн  зэрэг,  цол: Улс төрийн ухааны доктор.

ОХУ-ын Батлан  хамгаалах, аюулгүй байдал, эрх зүйн академийн профессор

Цэргийн цол: Бригадын генерал

Спортын зэрэг цол: Волейболын спортын мастер

Эрхэлж байсан ажил, албан тушаал, ажлын туршлага:

1. 1981-1985 онд Нийгмийг аюулаас хамгаалах яамны Цэргийн дээд сургуульд сонсогч
2. 1985-1987 онд Дорноговь аймгийн Цагдаагийн хэлтэст байцаагч
3. 1987-1989 онд Ховд аймгийн Ардын Депатутын Хурлын Гүйцэтгэх Захиргааны дэргэдэх Хууль зүйн арбитрын хэлтэст ахлах мэргэжилтэн, хэлтсийн дарга
4. 1990-1993 онд Ховд аймгийн шүүхийн гишүүн
5. 1993-2000 онд Алтай интернэйшнл ХХК-д ерөнхий захирал
6. 1998-2006 онд Монголын ардчилсан социалист оюутны холбооны Ерөнхийлөгч
7. 2000-2008 онд Нийслэлийн Хан-Уул дүүргийн Засаг дарга, Байгаль орчны яамны Төрийн нарийн бичгийн дарга
8. 2008-2012 онд Монгол Улсын Их Хурлын гишүүн, Нутгийн удирдлагын дэд хорооны дарга;
9. 2013-2023 онд Монголын Энхтайван Найрамдлын байгууллагын Ерөнхийлөгч
10. 2017-2020 онд Уул уурхай, хүнд үйлдвэрийн Дэд сайд
11. 2020-2023 он хүртэл Шүүхийн шийдвэр гүйцэтгэх ерөнхий газрын дарга
12. Одоо Монгол Улсын Ерөнхий аудитороор ажиллаж байна.