"Мөнхийн реп, Flash, Outlaw, No name хамтлагийн хамтарсан тоглолтод үзэгчдийн мэдэхгүй нэг ч дуу байхгүй"

Гэрэл зургийг MPA агентлагийн онцгой зөвшөөрөлтэйгөөр ашиглав

Мөнхийн реп, Flash, Outlaw, No name хамтлагийн хамтарсан “All in HIT” тоглолтын талаар зохион байгуулагчид өнөөдөр мэдээлэл өглөө. 

Тоглолтын онцлог болон найруулгын талаар хамтлагийн төлөөллүүд "Хип хопоор бол ардын дуу шиг болчихсон тухайн цаг үедээ цагийг эзэлж байсан 70 гаруй хит дуу дуулагдана. Бид өмнө нь хамтарч тоглож байгаагүй. Энэ удаа хамтдаа дуулах гэж буй нь тоглолтын онцлог юм. Ахиж хамтдаа тоглохгүй. Мэдэхгүй нэг ч дуу байхгүй учир үзэгчид бүгдийг нь дагаж дуулах болов уу гэж бодож байна. Ам нь их цангах вий. 

Түүнчлэн зочин уран бүтээлчдээр дуулаагүй удсан Гала, Next гэх мэт хамтлагууд дуулна. Тэр чигтээ "ХИТ" тоглолт болох юм. Үзэгчид бол бидний хувьд хүндэт зочид иймд үзэгчдийг тоглолтоос сэтгэл дүүрэн гаргах тал дээр дөрвөн хамтлаг ажиллаж байна" гэв. 

 

Гэрэл зургийг MPA агентлагийн онцгой зөвшөөрөлтэйгөөр ашиглав

Энэ жил Outlaw хамтлагийн 20 жилийн ой тохиож байгаа бөгөөд шинээр уран бүтээлүүдээ гаргахаар бэлэн болсон гэв. 

No name хамтлагийн хувьд ирэх жил 20 жилийн ой нь тохиох бөгөөд мөн 2-3 шинэ уран бүтээлүүд гаргахаар бэлдсэн талаараа дурдлаа. 

Мөнхийн реп хамтлагийн 25 жилийн ой 2026 онд тохиож байгаа юм байна. "Мөнхийн" гэдэг нэрдээ их утга учир өгч мөнх байлгахыг хичээдэг. Шинэ уран бүтээлүүдээ гаргахаар ажиллаж байгаа гэдгээ онцлов. 

Тоглолтын байршил болох HIT PARK-н хувьд 00, хог, гарц орц, зогсоол зэрэг асуудлыг маш сайн шийдвэрлэж чадсан. 2006-2009 оны үеийн хамгийн том тоглолтын талбайг дөрвөн хамтлаг өөрсдийнхөө тоглолтоор дүүргэдэг байсан түүхтэй гэдгийг тоглолтыг зохион байгуулагчид онцолж байв. 

Тоглолтын талбайд шар айргийн 18, коктейлийн зургаа, ус ундааны зургаа, хоолны 13, электрон тамхины хоёр асрыг байршуулж байгаа аж.

Тасалбар Shoppy.mn, Ticket.mn, GS25-н бүх сүлжээ дэлгүүрүүдээр зарагдаж байгаа юм байна.