Гэрэл зургийг MPA агентлагийн онцгой зөвшөөрөлтэйгөөр ашиглав

“Хурд” хамтлагийн “Бүсгүй” дуунаас сэдэвлэсэн “Бүсгүй” уран сайхны киноны талаар мэдээлэл өгөх хэвлэлийн хурал өнөөдөр боллоо. 

Кинонд Хурд хамтлаг хэрхэн байгуулагдсан талаар хүмүүсийн мэдэхгүй түүхээс гадна хүний амьдралын утга учир, урам зориг, хайрын талаар өгүүлдэг байна. Тус киног хүнд эерэг мэдрэмж өгөх зорилгоор хийсэн. Хайр, уянга болзооны кино гэдгийг уран бүтээлчид онцлов. 

"Гол дүрийн хоёр жүжигчний хослол сүүлийн хэдэн жилд харагдаагүй сайхан зохицол болсон" 

Ерөнхий найруулагч Л.Базарсад "Гурван жилийн өмнө хийсэн "Бүсгүй" дууны клип хүмүүст маш их хүрсэн учир кино бүтээхээр шийдсэн юм.

Энэхүү кино нь нийгэм солигдсон 1990 оноос хойш залуучууд яаж амьдарч, хоорондоо хэрхэн хайрлаж дурлалцаж байснаас гадна тухайн үеийн тосгоны амьдрал, Монголын рок попын хөгжил, барууны соёл Монгол залуучуудад хэрхэн нөлөөлж байсан талаар өгүүлнэ. 

Дунд насныхны хайрыг харуулах уг кинонд гол дүрийн хоёр жүжигчний хослол сүүлийн хэдэн жилд харагдаагүй сайхан зохицол болсон" гэв. 

Хурд хамтлаг 10 жилийн өмнөөс уран бүтээлээсээ олсон орлогоороо алслагдсан сумын эмнэлгүүдийн нярай тасгийг хэрэгтэй тоног, төхөөрөмжөөр нь хангаж ирсэн ба одоогоор 24 дэх сум дээрээ ажиллаж байгаа аж. Иймд уг төслөө "Бүсгүй" киноноос олсон орлогоороо үргэлжлүүлнэ гэв. 

Түүнчлэн Хурд хамтлагийн бүх цаг үеийн хит дуунуудыг киноны үйл явдлуудад оруулснаараа хүний сэтгэлд хүрэхэд маш ойр болсон гэдгийг онцоллоо. 

"Бүсгүй" киноны албан ёсны трейлер: