• 1 сарын 15, Лхагва
|
Уншиж байна ...
Зураг
Зураг

Иргэн Б.Баярбаатар дараагийн шатны шүүхэд ханджээ

Э.Тэмүүлэн, iKon.mn
Өчигдөр 17 цаг 49 минут
IKON.MN
Зураг зураг

Өнгөрсөн оны арванхоёрдугаар сарын 26-ны өдөр иргэн Б.Баярбаатар нь “Бурханы хүү Баярбаатар” нэртэй цахим хаягаар дамжуулан олон нийтийн сүлжээнд шууд бичлэг хийх үеэрээ ёс бус үг, хэллэг хэлж илтэд олон нийтийг үл хүндэтгэсэн асуудалд Зөрчлийн тухай хуулийн 5.2 дугаар зүйлийн 1 дэх хэсгийн 1.4 дэх хэсэгт зааснаар Зөрчлийн хэрэг нээж, шалгалтын ажиллагаа явуулсан юм.

Улмаар шүүхээс түүнийг “Олон нийтийн газар, олон нийтийг үл хүндэтгэж танхайрсан” зөрчилд хамаарах бөгөөд дээрх зөрчлийг холбогдогч Б.Баярбаатар үйлдсэн болох нь хэрэгт тусгагдсан нотлох баримтууд болон шүүхийн хэлэлцүүлэгт холбогдогчийн өгсөн мэдүүлэг, шүүхийн хэлэлцүүлгээр хэлэлцэгдсэн баримтуудаар нотлогдон, тогтоогдсон гэж дүгнэх үндэслэл тогтоогдсон гэж үзэж, шийтгэл оногдуулж шийдвэрлэсэн.

Өөрөөр хэлбэл “Монгол Улсын Шинжлэх ухааны академийн хэл зохиолын хүрээлэн”-ээс тайлбарласнаар цахим орчин нь “олон хүн байршиж буй олон хүн бүхий орчин” бөгөөд цахим орчныг “олон нийтийн газар” гэж үзэх, “олон хүнийг, ард түмнийг үл тоомсорлож, олон нийтийг заналхийлсэн, бүдүүлэг үг хэллэг ихээр ашиглаж дайрч доромжилсон, хүндэтгэлгүй хандсан” үйлдэл нь “Олон нийтийг үл хүндэтгэсэн” гэх ойлголтод хамаарах тухай хэл шинжлэлийн дүгнэлт нь үндэслэл бүхий, мөн холбогдогчийн цахим сүлжээнд хандсан дээрх бичлэгийг 560.000 мянган хүн үзэж, 360 гаруй хүн бусадтай хуваалцсан зэрэг нөхцөл байдлууд тогтоогдсон нь холбогдогч Б.Баярбаатар нь “Бусдыг үл хүндэтгэн, олон нийтийн газарт танхайрсан” зөрчил үйлдсэн гэж үзэх хууль зүйн үндэслэлтэй байна гэж үзсэн аж.

Хууль зүй, дотоод хэргийн сайд О.Алтангэрэл өнөөдөр Засгийн газрын хуралдаанаас гаргасан шийдвэрийг танилцуулж байхад сэтгүүлчид иргэн Б.Баярбаатарын хэргийн талаар тодруулга авсан юм.

Тэрбээр "Иргэн Б.Баярбаатар өнөөдөр хоёр өмгөөлөгчийн хамтаар дараагийн шатны шүүхэд гомдол гаргасан. Дараагийн шатны шүүхээс тодорхой мэдээлэл авна" гэж хариуллаа.