Боксын ААШТ-ий 15 хүртэлх насны ангилалд Монголын баг нэг хүрэл медаль хүртэв
Азийн Боксын Холбооноос зохион байгуулж буй 15 болон 17 хүртэлх насны ангиллын Азийн Аварга Шалгаруулах Тэмцээн (ААШТ) Узбекистан Улсын нийслэл Ташкент хотноо болж буй.
Өчигдөр тус тэмцээний 15 хүртэлх насны ангиллын охид, хөвгүүд дүнгээ гаргажээ.
Уг насны ангилалд Узбекистаны өсвөрийн тамирчид 13 алт, найман мөнгө, зургаан хүрэл медалиар тэргүүлсэн бол Энэтхэг есөн алт, зургаан мөнгө, 12 хүрэл, Казахстан долоон алт, найман мөнгө, есөн хүрлээр удаалжээ.
Бусад улсаас цор ганц алтыг Ираны авсан бол Киргиз гурван мөнгө, 11 хүрэл зүүж, нийт 14 улс ямар нэгэн медаль хүртэв.
Манай улсаас хөвгүүдийн 49 кг-ын жинд "Соёмбо" клубийн тамирчин Т.Кайсар хүрэл медаль хүртсэн байна.
Өнөөдөр 17 хүртэлх насны шигшээ тоглолтууд болох юм.
Эх сурвалж: Asian Boxing
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
