TomYo School of Ulaanbaatar 10-р ангид элсэх сурагчдад тэтгэлэг зарлалаа!

TomYo School of Ulaanbaatar нь 2022 оны 9 сараас Яармагийн Арцатын аманд үйл ажиллагаагаа эхэлсэн бөгөөд 2 хичээлийн жилд төгсөгчдөө гадаадын 7 улсын 70 гаруй их сургуулиас нийт 7.8 сая долларын тэтгэлэгт тэнцүүлээд байна.

Сургуулийн пэйж: www.facebook.com/tomyoschool

Шинэ хичээлийн жилд TomYo School of Ulaanbaatar-н 10-р ангид шинээр элсэн суралцах сурагчдыг шалгаруулж 30-100% тэтгэлэг олгоно. Бид ахлах ангийн сурагчдыг дараах байдлаар гадаадын их сургуульд бэлддэг:

• 2024 онд тус сургуулийн 10-р ангид элсэж, 2025 онд 11-р ангид дэвшин суралцахдаа ОУ-н IB хөтөлбөрөөр суралцаж 2027 онд ТомЁ сургуулийн анхны IB дипломтой төгсөгч болох боломжтой
• Карьер төлөвлөлтийн хичээлээр гаднын орнуудын онцлог, их сургуульд элсэх процесстой танилцаж, хичээлээс гадуурх сайн дурын ажил, дадлага ажил хийнэ
• Менторуудтай тогтмол уулзаж, мэргэжил сонголтоо хийж, зорилгоо тодорхойлно
• IELTS, SAT шалгалтуудад бэлдэнэ
• Төсөл хэрэгжүүлж академик мэдлэгийг гүнзгийрүүлэн, амьдрал практиктай хослуулан эзэмшинэ
• Солонгос, Хятад хэлнээс сонгон суралцана
• Кодчиллыг гүнзгийрүүлэн суралцаж, төсөл хэрэгжүүлнэ
• Багаар ажиллах чадвар, SEL (Social Emotional Learning) зэрэг хувь хүний хөгжлийн хичээлүүдийг нэмэлтээр суралцаж 21-р зууны чадварлаг боловсон хүчин болоход бэлтгэгдэнэ

 

 Сонгон шалгаруулалт:

I шат: Анкетын сонгон шалгаруулалт Доорх холбоосоор орж, 2024 оны 6 сарын 13 өдрийн дотор анкет бөглөн бүртгүүлнэ. Тус анкетад буй эсээний асуултад хэрхэн хариулсан нь сонгон шалгаруулалтын чухал үзүүлэлт болно.

Анкет бөглөх холбоос: forms.gle/834GhRkXFc2Kf4Lo7

II шат: 2024 оны 6 сарын 15 өдөр ТомЁ сургуульд хүрэлцэн ирж Математик, Монгол хэл, Англи хэл хичээлийн ерөнхий мэдлэгийн сорил өгнө.

III шат: Анкетын эсээ болон ерөнхий мэдлэгийн сорилын үр дүнд үндэслэн шалгарсан сурагчидтай ярилцлага хийнэ. 6 сарын сүүлээр тэтгэлэгт шалгарсан сурагчдыг албан ёсоор зарлана.

• 2024 оны 9 сард 10 дугаар ангид элсэн суралцах сурагч байх
• 2024-2025 оны элсэлтийн шалгалтад тэнцэж, гэрээгээ хийсэн шинээр элсэх сурагчид энэхүү тэтгэлэгт сонгон шалгаруулалтад дахин оролцох боломжтой
• Тэтгэлгийн анкетыг сурагч өөрөө бөглөнө
• Сургалтын тэтгэлгийн хэмжээ нэг сурагчид тухайн жилийн сургалтын төлбөрийн 30-100%-тай тэнцэх хэмжээний хөнгөлөлт олгоно
• 6 сард ТомЁ Улаанбаатар сургуульд 30-100% тэтгэлэгтэй суралцах сурагчид тодорно
• Тэтгэлэгт тэнцээгүй ч ТомЁ Улаанбаатар сургуулийн элсэлтийн шалгуурыг хангасан бол боломжит орон тоонд тэтгэлэггүй суралцах боломжтой

Танд амжилт хүсье 

  Утас: 77233399
  Веб: tomyo.edu.mn
  Имэйл: info@tomyo.edu.mn