‘‘Драгон Холдинг’’ ХХК Имарт сүлжээ дэлгүүрийн франчайзын эрх эзэмшигч “Скай Хайпермаркет” ХХК-тай хамтын ажиллагааны гэрээ байгууллаа
Жижиглэн худалдааны Имарт сүлжээ дэлгүүрийн Монгол дахь франчайзын эрх эзэмшигч Скай Хайпермаркет ХХК нь ‘‘Драгон Холдинг’’ ХХК-тай хамтран ажиллах гэрээнд гарын үсэг зурах ёслолын үйл ажиллагаа 2024.05.23-нд боллоо.
Гэрээнд Скай Хайпермаркет ХХК-ийн Гүйцэтгэх захирал Л.Жавзмаа болон “Драгон холдинг ХХК”-ийн Гүйцэтгэх захирал Б.Октябрь нар гарын үсэг зурлаа.
Хамтын ажиллагааны хүрээнд Сонгинохайрхан дүүргийн 29-р хороонд байрлах “ДРАГОН ХОЛДИНГ” ХХК-ийн барьж буй ‘‘Шинэ Улаанбаатар Баруун терминал’’ цогцолборын B болон D блокт Скай Хайпермаркет ХХК нь бизнесийн үйл ажиллагаа эрхлэх зорилгоор 10 жилийн хугацаанд худалдааны талбай түрээслэн, жижиг форматаар буюу Имарт супермаркетын жишиг дэлгүүрээ нээхээр хамтын ажиллагаагаа эхлүүлж байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
