ТЦА: Жолооч та бүхэн гэрлээ шилжүүлж, ослоос сэргийлнэ үү
Зун цаг болж, аялал зугаалгын улирал эхэлж байна.
Энэ үеэр хотоос орон нутгийг зорих хөдөлгөөн эрс нэмэгддэг тул замд явахдаа гэрлээ шилжүүлж, учирч болох эрсдэлээс сэргийлэхийг Тээврийн Цагдаагийн Алба(ТЦА)-наас зөвлөв.
Учир нь эсрэг урсгалд яваа машин нь гэрлээ шилжүүлэхгүй буюу холын тод гэрэлтэй явснаар жолоочийн нүд гялбаж, орон зайн баримжаа алдагдах, замаа харахад төвөгтэй нөхцөл байдал үүсдэг. Иймээс жолооч та бүхэн өөрийнхөө болон бусдын аюулгүй байдлыг бодолцож, гэрлээ шилжүүлж байхыг зөвлөж байна.
Зам тээврийн ослын 46 хувь нь зорчих хэсэгт холын гэрлээ ойрын гэрэлд шилжүүлэхээ мартсан эсвэл туршлагагүй жолоочийн хариуцлагагүй байдлаас үүддэг аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
