• 12 сарын 10, Ням
|
|
Уншиж байна ...
Зураг
Зураг
ХУУЧИРСАН МЭДЭЭ: 2022/12/02-НД НИЙТЛЭГДСЭН

Нийтлэг үйлчилгээний газрын ₮15.8 тэрбумын төсвийг ₮4 тэрбумаар бууруулж, түргэний машин худалдан авах санал дэмжигдсэнгүй

Э.Намуунцэцэг, iKon.mn
2022 оны 12 сарын 2
iKon.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн 2023 оны төсвийн хоёр дахь хэлэлцүүлгийг өнөөдөр НИТХ-аар хийж байна.

Төсвийн төсөлтэй холбогдуулан АН-ын бүлгээс дөрвөн санал гаргасан.

Гаргасан саналууд:

  • 100 тэрбум төгрөгийн үнэт цаас гаргаж, нийслэлийн гэр хорооллыг дахин төлөвлөх, инженерийн дэд бүтцийг сайжруулах.
  • Нийслэлийн өмчид бүртгэлтэй байгаа шинэ байрыг 200-250 тэрбум төгрөгөөр зарж, түгжрэлийг шийдэх зам, гүүр барих боломжтой.
  • Цахим хөгжил, мэдээлэл технологийн газрын төсөв 2.1 тэрбум байгаа. Үүнийг 500 саяар бууруулах шаардлагатай.
  • Нийтлэг үйлчилгээний газрын 15.8 тэрбум төгрөгийн төсвийг 4 тэрбумаар бууруулах. Хэмнэсэн зардлаараа түргэний машин худалдан авах

Дээрх асуудал бүрээр санал хураасан ч НИТХ-ын төлөөлөгчдийн олонхын саналаар нэг нь ч дэмжигдсэнгүй.

НИТХ-ын АН-ын бүлгийн дарга Д.Пүрэвдаваа хэлэхдээ “Төлөөлөгчид нийслэлийн иргэдийн эрх ашгийг хангаж ажиллах эрх, үүрэгтэй. Өнөөдөр намын үзэл суртлаас болж, нийтийн төлөө дуугарч, санал хүсэлтээ илэрхийлж чадахгүй байна.

Эмнэлгийн байгууллагын машины хүрэлцээ маш муу гэдгийг хүн бүр хэлдэг. Гэтэл өнөөдөр цагдаагийн байгууллага 300 гаруй автомашинтай үйл ажиллагаа явуулж байна. Хэмнэж болох зардлаа танаад, нийслэлийн 1.4 сая хүний эрхийг тэргүүнд тавих ёстой байсан” гэсэн юм.