Гар утасны хамгийн шилдэг кейсүүд

Ухаалаг гар утасны хэрэглээ болон үнэ цэн нь өдрөөс өдөрт нэмэгдсээр байна. Иймээс таны үнэтэй гар утсыг хамгаалах болон гоёх олон төрлийн шилдэг утасны гэр буюу кейсүүдийг танилцуулж байна.

1. Хамгийн сайн доргионы хамгаалалттай кейс OtterBox

 

Доргионы хамгаалалттай утасны гэрний тухайд бол маш олон утасны гэрүүд байдаг. Харин OtterBox брэндийн Symmetry серийн гэр бол авсаархан нимгэн бөгөөд, хатуу гадаргуутай ба доргионд тэсвэртэй тул хүмүүс дуртай байдаг.

Symmetry цуврал нь таны утсыг доргионоос хамгаалж, халаасанд хийхэд болон гарт барихад эвтэйхэн эргономик загвартай. Таны амьдралын хэв маягийг илэрхийлэх дээд зэргийн чанар болон өнгө загварын өргөн сонголттой. АНУ болон Канадад энэ брэндийн кейсүүд номер нэгт тооцогддог. Ихэнх кейсний 50% хүртэлх хувийг дахин боловсруулсан материалаар хийдэг.

2. Хамгийн сайн усны хамгаалалттай кейс Lifeproof

 

Хэрвээ та бассейн, далайн эрэг их явдаг эсвэл өөрөө юм уу хүүхдүүдээ усанд оруулангаа утсаа биедээ байлгах шаардлагатай байдаг бол Lifeproof брэндийн FRE загвар их зүгээр. Камер болон дэлгэцээ хамарсан 360 хэм битүү кейс тул тоос шороо, ус, чийг нэвтрүүлдэггүй мөн доргионы хамгаалалттай зэрэг ихээхэн давуу талтай. Хэдийгээр таны гар утас усны хамгаалалттай гэж байсан ч нэмэлтээр энэ кейсээр хамгаалах хэрэгтэй гэж зөвлөмөөр байна. Учир нь сүүлийн үеийн үнэтэй утаснууд усанд тэсвэртэй гэх боловч усанд дэлгэцийн мэдрэг чанар мууддаг ба улмаар харлаад эргэж асдаггүй.

3. Хамгийн авсаархан нимгэн кейс Totallee

 

Та гар утсаа зурагдахаас хамгаалахыг хүсдэг боловч овортой гэрэнд дургүй бол Totallee нимгэн гэр төгс зохицно. Totallee утасны гэр нь маш нимгэн учраас гар утсандаа гэр хийгээгүй мэт мэдрэмж төрүүлнэ. Утасны гэр хэрэглэх дургүй хүмүүст илүү тохиромжтой. Гэхдээ хатуу хучилттай зам дээр ч юм уу чулуун дээр утсаа унагаахад энэ нь таны гар утсыг найдвартай хамгаална гэж битгий бодоорой.

4. Хамгийн уян мөртлөө хамгаалалт бүхий кейс Spigen

 

Хэрэв та нарийхан буюу слим мөртлөө хамгаалалт сайтай гэр сонирхож байгаа бол Spigen Liquid Air кейсийг санал болгож байна. Толигор хүрээтэй, уян хатан зөөлөн материал, доргионы хамгаалалттай, гарт эвтэйхэн мэдрэмж төрүүлдэг ардаа иржгэр хээтэй зэргээрээ танд таалагдана.

5. Хамгийн сайн батарейтэй кейс Mophie

 

Facebook, Instagram их хэрэглэх, дуртай тоглоомоо удаан тоглох зэргээс болоод таны утас цэнэгээ удаан барихгүй, байс гээд унтрах гээд байдаг бол Mophie Juice Pack кейс таны утсыг дахин хэдэн цагаар цэнэгтэй байх боломжийг олгоно. Та ердөө гар утасныхаа кейс дээрх power bank-ийг асаагаад халааснаасаа утсаа цэнэглэх боломжтой.

Шинэ загварын Juice Pack Access нь power bank-аараа утсаа цэнэглэнгээ чихэвчээ болон өөр хэрэгслүүдийг утастайгаа шууд холбон нэгэн зэрэг хэрэглэх онцлогуудтай.

6. Хамгийн сайн хэтэвчтэй кейс Nomad

 

Түрийвчээ нэг халаасандаа, утсаа нөгөө халаасандаа хийх хэрэггүй боллоо л гэсэн үг. Nomad Rugged Folio кейс нь таны өдөр тутам хэрэглэдэг кредит карт, бэлэн мөнгөө утастайгаа хамт авч явахад зориулагдсан эвхдэг, цэвэр арьсан материалтай. Илүү олон тасалгаа хэрэгтэй бол tri-fold хувилбар нь тохиромжтой. Мөн Nomad танд таалагдахгүй бол Otterbox – н Strada хавтсан кейс таалагдаж магадгүй.

7. Хамгийн фэшнлэг буюу загварлаг кейс Sonix

 

Хэрэв та даашинз юм уу халаасгүй хувцас өмсөх хэрэгтэй болбол энэхүү Sonix Crossbody хэмээх бяцхан түрийвчтэй, гоёмсог, арьсан, гинжтэй бас оосортой гэрийг сонгоорой. Vegan арьсаар хийсэн, гурван ширхэг карт мөн бэлэн мөнгө хийх тасалгаатай. Спорт, амралт зугаалга, үдэшлэгт авч явах зориулалттай ягаан, хар цагаан өнгөний сонголттой.

8. Хамгийн амьтанд дуртай хүмүүсийн кейс Casetify

 

Та эсвэл таны ээж, эхнэр, хүүхэд тань муур, нохойнд дуртай бол энэхүү Casetify брэндийн гар утасны гэрийг санал болгож байна. Энэ брэндийн кейсүүд маш олон зураг графикны сонголттойгоос гадна таны утсыг доргилтоос хамгаалах Basic Grip болон Ultra Impact гэсэн загваруудтай бөгөөд ягаан, ногоон, шар гээд олон өнгөний сонголттой.  

9. Хамгийн ностальжи ба 90-д оны зурагтай кейс

 

90-д онд дуртай хүмүүст Pastel Геометрийн Memphis загварын кейс яг таарна. Casio электрон цагны дүрс бүхий эсвэл “Saved by The Bell” телевизийн шоуг санагдуулдаг геометрийн өнгө өнгийн дүрстэй гар утасны гэрийг хэрэглэн 90-ээд оноо дурсан санаарай. Улаан, ягаан, цайвар өнгөнүүдийн өргөн сонголттой ба Samsung Galaxy, iPhone-ий 10 цуврал байдаг.

10. Хамгийн байгаль орчинд ээлтэй кейс Pela

 

Honey Bee Google Pixel 3 гар утасны гэр бол нэг жишээ нь. Хэрэв та байгаль орчинд хор хөнөөл учруулдаггүй бүтээгдэхүүн хэрэглэхийг эрхэмлэдэг бол бид танд Pela брэндийн гар утасны гэрийг танилцуулж байна.

Pela брэндийн кейс буюу утасны гэр нь утсыг хамгаалахаас гадна маалинган ургамлын гаралтай биополимерээр хийгдсэн ба хөрсөнд 100% задардгаараа онцлогтой. Мөн байгаль орчинд ээлтэй бүтээгдэхүүнээсээ гадна таны худалдаж авсан кейс тутмын 1%-ыг далайн хог хаягдлыг цэвэрлэхэд зориулдаг. Google Pixel, Samsung Galaxy, Apple iPhone утаснуудад зориулагдсан гэрний өргөн сонголтууд бий.

Эх сурвалж: NBC News

OtterBox брэндийн албан ёсны дистрибютерийн хаяг: БГД, Нарын зам, Вояж зочид буудал 101

OtterBox Defender кейстэй iPhone 12 Pro унагааж үзсэн тест:

Facebook: OtterBox Mongolia Authorized Distributor

Утас: 99095733, 99720500