ЦЕГ: 16 настай охины амь насаа алдах үеийн гэх хуурамч бичлэгийг ямар зорилгоор тараасныг шалгаж байна
Хан-Уул дүүргийн 2 дугаар хорооны нутаг дэвсгэрт 2024 оны зургаадугаар сарын 20-ноос 21-ний шилжих шөнө 16 настай Ш-ийн амь насыг хохироосон гэх хэрэг одоогоор шүүхийн шатанд хянан хэлэлцэгдэж байна.
Уг хэрэгтэй холбоотой баримт гэх “ярианы бичлэг“ энэ сарын 15-ны өдөр цахим орчинд нийтлэгдсэн. Хэрэгт уг ярианы бичлэг нь нотлох баримтаар авагдаагүй, худал мэдээлэл тул бичлэгийг ямар зорилгоор олон нийтэд түгээснийг тодруулахаар шалгалтын ажиллагаа явуулж байгааг Цагдаагийн Ерөнхий Газар (ЦЕГ)-аас мэдээлэв.
Олон нийтийг цочроосон уг хэргийн шүүх хуралдааныг 2026 оны нэгдүгээр сарын 22-ны өдрийн 10:00 цагт товлоод байгаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
