Шүүх хурлыг энэ сарын 22-нд товлож, Ц.Дагвадорж, Э.Ган-Эрдэнэ, Э.Номин-Эрдэнэ нарыг үргэлжлүүлэн хорихоор шийдвэрлэв
32 настай эмэгтэй болон 16 настай охины амийг хэрцгийгээр хөнөөсөн хэрэгт яллагдагчаар татагдсан Ц.Дагвадорж нарын хэргийн шүүхийн урьдчилсан хэлэлцүүлэг өнөөдөр Баянгол, Хан-Уул, Сонгинохайрхан дүүргийн Эрүүгийн хэргийн анхан шатны тойргийн шүүхэд боллоо.
Урьдчилсан хэлэлцүүлгээс Ц.Дагвадорж, Э.Ган-Эрдэнэ, Э.Номин-Эрдэнэ нарт авсан цагдан хорих таслах сэргийлэх арга хэмжээ, Х.Энхсайханд авсан хилээр гарахыг хязгаарлах таслан сэргийлэх арга хэмжээ тус тус үргэлжлүүлэхээр шийдвэрлэжээ.
Шүүх хуралдааныг 2026 оны нэгдүгээр сарын 22-ны өдрийн 10:00 цагт товлосон байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
