Уншиж байна ...
ХУУЧИРСАН МЭДЭЭ: 2022/01/12-НД НИЙТЛЭГДСЭН

Олон улсын хамтарсан бэлтгэлд оролцож буй монгол жүдочид энэ сарын 25-нд Португалд Гран при тэмцээнд зодоглоно

Б.МАНЛАЙ, IKON.MN
2022 оны 1 сарын 12
iKon.MN
Зураг зураг
Гэрэл зургийг mpa.mn

Узбекистаны нийслэл Ташкент хотын JAR спорт, эрүүл мэндийн цогцолборт жүдо бөхийн олон улсын хамтарсан бэлтгэл сургуулилалт зохион байгуулагдаж байна.

Хамтарсан бэлтгэл энэ сарын 25-ныг хүртэл үргэлжлэх бөгөөд ОХУ, Австри, Ливан, Энэтхэг, Монгол, Казахстан зэрэг улсын шигшээ багийн нийт 500 гаруй жүдоч оролцож байгаа юм. Үүнд манай улсаас 21 тамирчин хамрагдаж байна. Тэдний дасгалжуулагчаар “Чельябинск-2014” ДАШТ-ий аварга, “Будапешт-2017” ДАШТ-ий хүрэл медальт, Монгол Улсын гавьяат тамирчин Ганбатын Болдбаатар ажиллаж байгаа аж.

Манай баг тамирчид хамтарсан бэлтгэлээ өндөрлүүлээд энэ сарын 25-нд эхлэх IJF-ийн энэ оны эхний дэлхийн цувралд оролцоно. Энэ оны эхний дэлхийн цуврал тэмцээн Португалын Алмада хотноо энэ сарын 25-нд Гран При ангиллаар эхлэх юм.

“Алмада-2022” тэмцээнд оролцох Монгол Улсын шигшээ баг

  1. -60 кг: Энхтайваны Сумъяабазар /”Женко” клуб/, Бямбажавын Цогт-Очир /”Хангарьд” спорт хороо/
  2. -66 кг: Баянмөнхийн Нармандах /”Женко” клуб/, Гүнжинлхамын Сод-Эрдэнэ /Хэнтий аймаг/
  3. -73 кг: Лавжаргалын Анхзаяа /”Женко” клуб/
  4. -81 кг: Баттулгын Мөрренцэн, Батзаяагийн Эрдэнэбаяр /Хоёул “Хангарьд” спорт хороо/
  5. -90 кг: Ганбаатарын Пунцагцэрэн /”Алдар” спорт хороо/, Баттогтохын Мөнхбаяр /”Женко” клуб/
  6. -100 кг: Одбаатарын Хангал /Алдар/, Дармаабазарын Мөнхтулга /Женко/
  7. +100 кг: Сумъяабэйсийн Бат-Орших /Алдар/
  8. -48 кг: Бавуудоржийн Баасанхүү /”Сүлд” спорт хороо/
  9. -52 кг: Цэрэнтогтохын Гал-Од /”Алдар” спорт хороо/
  10. -57 кг: Оюунгэрэлийн Оюунчимэг /Хаан хүнс импекс/
  11. -63 кг: Саранцэцэгийн Лхагвадулам /”Сүлд” спорт хороо/, Цогтгэрэлийн Номин /”Женко” клуб/
  12. -70 кг: Цэрэндуламын Энхчимэг /”Хилчин” спорт хороо/
  13. -78 кг: Отгонбаярын Хүслэн /Чингэлтэй дүүрэг/ Баатарсүхийн Ганзаяа /”Женко” клуб/
  14. +78 кг: Амарсайханы Адьяасүрэн /”Алдар” спорт хороо/

Дасгалжуулагч: Ганбатын Болдбаатар, Бүүвэйбаатарын Хишигбаяр, Мөнхбаатарын Бундмаа

 

Эх сурвалж: Монголын Жүдо бөхийн холбоо

Зураг
4 | 55 минут