Уншиж байна ...
Зураг
Зураг
ХУУЧИРСАН МЭДЭЭ: 2022/01/11-НД НИЙТЛЭГДСЭН

"Эрдэнэбүрэнгийн УЦС-ын барилгын ажлыг ирэх дөрөвдүгээр сарын 1-нээс эхлүүлж, 2027 онд ашиглалтад оруулахаар төлөвлөжээ

Т.Саран, iKon.mn
2022 оны 1 сарын 11
iKon.MN
Зураг зураг
Гэрэл зургийг MPA.mn

УИХ-ын гишүүн Ш.Адьшаа Эрдэнэбүрэнгийн усан цахилгаан станцыг барьж байгуулахтай холбоотой авч хэрэгжүүлэх зарим арга хэмжээний талаар асуулга тавьсан байна. Уг асуулгын хариуг Эрчим хүчний сайд Н.Тавинбэх ирүүлжээ. 

Асуулгын хариуд "Эрдэнэбүрэнгийн усан цахилгаан станцын барилга угсралтын ажлыг 2022 оны дөрөвдүгээр сарын 1-ний өдрөөс эхлүүлэхээр бэлтгэл ажлыг ханган ажиллаж байгаа ба 2026 онд дуусган, шинээр усан сан үүсгэж, 2027 онд ашиглалтад оруулах төлөвлөгөөтэй байна. 

Төслийг хэрэгжүүлэх зориулалтаар улсын тусгай хэрэгцээнд авсан 28,000 га газраас 9,871.1 га газарт шинээр усан сан үүсэх ба үүнээс Баян-Өлгий аймгийн Баяннуур сумын гурван багийн 5182.3 га газар нутагт амьдарч буй 145 өрх, Увс аймгийн өмнөговь сумын Улиастай багийн 4,576 га газар нутагт амьдарч буй 125 өрх буюу нийт 270 өрх төслийн нөлөөлөлд өртөхөөр байгаа талаар туссан.

Эдгээр 270 өрхийг 2022-2025 онд үe шаттайгaар одоо амьдарч буй нөхцөлийг дордуулахгүйгээр нүүлгэн шилжүүлэхээр орон нутгийн засаг захиргааны нэгжтэй
хамтран ажиллаж байгаа бөгөөд 2022 онд нийт 91 өрхийг нүүлгэн шилжүүлэх санхүүжилтийг улсын төсөвт тусгуулсан болно.

Зээлийн ерөнхий хэлэлцээр болон тулхуур гардуулах нөхцөлтэй гэрээний дагуу барилга угсралтын ажлын гүйцэтгэгч компанид орон нутгаас ажиллах хуч, барилгын материал болон хунсний бутээгдэхүүн нийлуулэх, хилийн боомтоос төслийн талбар хүртэлх тээвэр, төслийн талбарыг цахилгаан эрчим хүчээр хангах зорилгоор 35 кВ-ын цахилгаан дамжуулах агаарын шугам, дэд станц барих зэрэг ажлуудад Монгол Улсын оролцоог хангах саналыг хүргүүлэхээр төлөвлөж байна" гэжээ. 

Асуулгын хариу (Бүрэн эхээрээ)