Заг тарималжуулах туршлага хуваалцана
Зүүн хойд азийн шар шороон шуурга, цөлжилт, хуурайшилттай тэмцэх сүлжээ нь НҮБ-ын Цөлжилттэй тэмцэх Конвенцийн талуудын 10 дугаар хурлын үеэр Монгол Улсын БОНХ-ийн сайд, БНСУ-ын Ойн яамны сайд, БНХАУ-ын Ойн яамны дэд сайд нар Харилцан ойлголцлын санамж бичигт гарын үсэг зурснаар байгуулагдан үйл ажиллагаагаа эхэлсэн.
Энэ сүлжээний гол зорилго нь тухайн бүс нутагт цөлжилт, шар шороон шуургатай тэмцэхэд гишүүн орнуудын хамтын ажиллагааг сайжруулан шинэ шатанд гаргаж бодит арга хэмжээнүүдийг хамтын хүчээр авч хэрэгжүүлэхэд чиглэгдэж байдаг.
Сүлжээний үйл ажиллагааны талаар санал солилцох, төлөвлөх зорилгоор жил бүр гишүүн орнууд ээлжлэн зохион байгуулдаг бөгөөд энэ онд манай улсад зохион байгуулагдахаар болжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
