Хятад улс тойрог замын станцынхаа гол модулийг хөөргөлөө
Дөнгөж сая Хятад улс дэлхийн тойрог замд өөрийн станцтай болох эхний алхмыг хийлээ. Өнөөдөр Вэнчань дахь сансрын буудлаас хөөргөсөн 53.7 метр урт Long March 5B хүнд даацын пуужинд Tianhe тойрог замын станцын 22 тонн жинтэй гол модулийг тээвэрлэж байгаа юм.
Tianhe (тэнгэр огторгуйн зохицол гэсэн утгатай нэр) станц нь гурван модультай байх бөгөөд 2021-2022 онуудад 11 удаагийн хөөргөлтөөр бүх хэсгүүдийг зөөж, угсарч дуусгах ажээ.
Дэлхийн гадаргаас 370 км өндөрт станцыг бүрэн угсарсны дараа 66 тонн жинтэй болох ба нэг ээлжиндээ гурван сансрын нисгэгчийг зургаан сарын хугацаанд байрлуулж, ажиллуулах багтаамжтай байна. Тодруулбал 15 жилийн настай Олон Улсын Сансрын Станцын дөрөвний нэгтэй тэнцэх хэмжээтэй гэсэн үг.
Энэ оны зургаадугаар сард эхний сансрын нисгэгчид Tianhe станцад дэлхийгээс нисэж очихоор төлөвлөжээ.
Хятад улс өөрийн тойрог замын станцтай болсноор сансрын уудамд астрономи, анагаах ухаан, биотехнологи зэрэг шинжлэх ухааны олон салбарын туршилт судалгаа явуулах боломжтой болно.
Эх сурвалж: Global Times, Space News
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
30 СЭТГЭГДЭЛТЭЙ
|
