ЗГХЭГ-ын дарга Ц.Нямдоржийн автомашины улсын дугаарын талаарх мэдээлэл smartcar.mn дээр өөрчлөгджээ
Хууль зүйн сайд асан, Засгийн газрын хэрэг эрхлэх газрын дарга Ц.Нямдоржийн унаж явсан "УБҮ 0052" улсын дугаартай тээврийн хэрэгслийн зөрчлүүдийн талаар бид Баасан гарагт мэдээлсэн. Тэгвэл өнөөдөр буюу гурван өдрийн дараа түүний машины мэдээлэл smartcar.mn дээр өөрчлөгджээ.
Зураг 1. "0052 УБҮ" улсын дугаартай автомашины талаарх smartcar.mn-ий мэдээлэл 2021.04.16
Зураг 2. "0052 УБҮ" улсын дугаартай автомашины талаарх smartcar.mn-ий мэдээлэл 2021.04.19
Smartcar.mn цахим сайтыг Нийслэлийн Мэдээллийн технологийн газраас 2018 онд хэрэглээнд нэврүүлсэн бөгөөд автотээврийн хэрэгсэлтэй холбоотой 9 төрлийн үйлчилгээг нэвтрүүлсэн платформ билээ.
Үүний өмнө Шадар сайд, УОК-ын дарга С.Амарсайханы гэргий Улаан бүсэд нэвтэрсний дараа түүний хийлгэсэн вакцины талаарх мэдээлэл олон нийтийн сүлжээгээр тархсан. Гэвч энэхүү үйл явдлаас хойш eMongolia цахим сайт вакцины талаарх нийтэд ил байсан мэдээллийг хаалттай болгон өөрчилсөн юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
