Эцэг эхчүүд стрессдэх нь хүүхдийн жин түргэн нэмэгдэхэд нөлөөлж байна
Эцэг эхчүүд стрессдэх нь хүүхдийн жин түргэн нэмэгдэхэд нөлөөлж байгааг Канадын эрдэмтэд тогтоожээ.
Тэд эцэг эхчүүдийн сэтгэл санааны байдал болоод хүүхдүүдийн биеийн жингийн индексийг харьцуулснаар дээрх дүгнэлтэд хүрсэн байна.
Доктор Кэтан Шанкардас “Эцэг эхчүүд стрессдэх тусам энэ нь хүүхдүүдийн жин түргэн нэмэгдэхэд нөлөөлж байна. Өөрөөр хэлбэл, илүүдэл жинтэй хүүхдүүдийн эцэг эх нь байнга стресстдэг бол хүүхдийнх нь жингийн нэмэгдэх хурд долоон хувиар илүү гэсэн үг” гэжээ.
Түүний ярьснаар хүүхдүүдийн жин тэдний идэж буй хоол унднаас ихээхэн хамааралтай байгаа. Гэсэн ч эцэг эхчүүдийн хооронд харьцаа, сэтгэл санааны байдал, гэр бүл дэх уур амьсгал нь нөлөөлдөг байна.
Тиймээс доктор Кэтан Шанкардас эцэг эхчүүдтэй хамтран ажилласнаар хүүхдүүдийн жинг нэмэгдүүлэхгүй байж чадна гэж үзэж байгаа аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
|
0 СЭТГЭГДЭЛТЭЙ
|
