ОХУ-ын Ерөнхийлөгч В.В.Путины айлчлалын үеэр замуудыг хэсэгчилж хаана
Монгол Улсын Ерөнхийлөгч Х.Баттулгын урилгаар ОХУ-ын Ерөнхийлөгч Владимир Владимирович Путин Монгол Улсад энэ оны есдүгээр сарын 2-ноос есдүгээр сарын 3-ны хооронд албан ёсны айлчлал хийхээр болсон билээ.
Үүнтэй холбоотойгоор нийслэлийн зарим автозамуудыг тодорхой хугацаагаар хэсэгчилж хаахаар болжээ.
Энэ талаар Тээврийн цагдаагийн албаны Урьдчилан сэргийлэх хэлтсийн мэргэжилтэн, ахлах дэслэгч Ч.Чимэдбат "Айлчлалтай холбоотойгоор нийслэлийн Наадамчдын гудамж, Энхтайваны өргөн чөлөө, Чингисийн өргөн чөлөө, Уулын зам, Амарын гудамж, Сүхбаатарын гудамж, Жуулчины гудамж, Залуучуудын гудамж зэрэг замуудыг энэ сарын 2, 3-ны өдрүүдэд тодорхой хугацаагаар хэсэгчилж бүрэн хаана" гэлээ.
Иймд есдүгээр сарын 2,3-ны өдрүүдэд иргэдийг замын хөдөлгөөнд автомашинтайгаар оролцохгүй байхыг анхааруулж, шаардлагатай тохиолдолд нийтийн тээврийн хэрэгслийг сонгохыг Тээврийн цагдаагийн албанаас зөвлөлөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
Баярлалаа
