• 1 сарын 1, Лхагва
|
Уншиж байна ...
Зураг
Зураг
ХУУЧИРСАН МЭДЭЭ: 2019/05/13-НД НИЙТЛЭГДСЭН

Гадаад валютын ханшийн хөдөлгөөний учир шалтгаан болоод энэ 7 хоногт дэвшүүлж буй таамаглал

ikon.mn
2019 оны 5 сарын 13
iKon.MN
Зураг зураг

Голомт банк өнгөрсөн 7 хоногт гадаад валютын зах зээл дээр гарсан ханшийн хөдөлгөөний учир шалтгаан болоод энэ 7 хоногт ханшийн хөдөлгөөнд дэвшүүлж буй таамаглалыг танилцуулж байна.

https://www.facebook.com/iKonNews/videos/347806859210108/

Гадаад валютын гол ханшуудад өнгөрсөн 7 хоногт ямар өөрчлөлт гарав?

# Хослол 6-May 13-May % Хандлага
1 EURUSD 1.1192 1.1232 0.36% унах
2 USDJPY 110.67 109.72 -0.86% унах
3 USDCNY 6.7998 6.8885 1.30% унах
4 DXY 97.54 97.31 -0.23% өсөх
5 GBPUSD 1.3121 1.3011 -0.84% унах

Өнгөрсөн 7 хоногт АНУ – Хятадын импортын барааны татварыг 10 хувиас 25 хувь болгож өсгөсөн шийдвэр нь Юанийн ханшийг хүчтэй сулруулж, Иенийн ханшийг дээш өргөсөн буюу чангаруулсан үйл явдал боллоо.

Тус шийдвэрийн эсрэг Хятадын тал хариу арга хэмжээ авна гэдгээ мэдэгдээд байгаа бөгөөд ойрын өдрүүдэд шийдвэр нь гарах болов уу гэсэн хүлээлттэй байна.

Харин Фунт стерлингийн хувьд Их Британи Европийн холбооноос гарах тухай хэлэцээрт онцын өөрчлөлт гарахгүй байгаа учраас хөрөнгө оруулагч нарт бодитой эрэлт бий болохгүй буюу тэдний сонирхлыг татах үйл явдал болохгүй байна. Улмаар Фунт стерлингийн ханшийн уналт үргэлжилсэн хэвээр байна.

Техник шинжилгээ:

  • Фунт стерлингийн ханшийн график том зургаараа уналтын бүсэд явж байгаа бөгөөд энэ 7 хоногт бага хэмжээний өсөлт (засварын хөдөлгөөн) үзүүлсний дараа уналт үргэлжилнэ гэсэн таамаглалыг дэвшүүлж байна. Ингэхдээ ханшид огцом савлагаа гарахгүй.
  • Долларын индексийн ханшийн график том зургаараа өсөлтийн бүсд байгаа. Өнгөрсөн долоо хоногт уналт (засварын хөдөлгөөн) үзүүлсэн ханш энэ 7 хоногийн эцэст өсөлттэйгөөр хаагдах болов уу гэсэн таамаглал дэвшүүлж байна.
  • Долларын индекс өсч байгаа тохиолдолд еврогийн ханш сулрах нь тодорхой болдог. Учир нь долларын индексийг бүрдүүлдэг валютуудаас хамгийн өнөр хувийг евро эзлэдэг. Тэгэхээр еврогийн ханш энэ 7 хоногт том трэндийнхээ дагуу унах магадлалтай гэж таамаглал дэвшүүлж байна.
  • Юанийн ханш энэ 7 хоногт үргэлжлэн унах болов уу. Ингэхдээ бага зэргийн өсөлт үзүүлсний дараа (засварын хөдөлгөөн) эргээд ханш унах таамаглал дэвшүүлж байна.

Жич: Та арилжааны болон ханш дээр суурилсан бусад шийдвэр гаргалт хийх гэж байгаа бол нэмэлт эх сурвалжуудаас мэдээлэл цуглуулж хувьдаа дүгнэлт хийсний үндсэн дээр шийдвэрээ гаргана уу.