Уншиж байна ...
Зураг
Зураг
ХУУЧИРСАН МЭДЭЭ: 2018/12/24-НД НИЙТЛЭГДСЭН

Харшийн сүлд модны наадам эхэллээ

www.ulaanbaatar.mn
2018 оны 12 сарын 24
ulaanbaatar.mn

Олон улсын хүүхдийн Найрамдал цогцолборт жил бүр уламжлал болон зохион байгуулагддаг харшийн сүлд модны наадам хүүхэд багачуудын дуу хуур, баяр хөөр, гэнэтийн бэлгүүдээр дүүрэн амжилттай эхэллээ.

Тус наадмыг нийслэлийн Засаг даргын Тамгын газар Найрамдал цогцолбортой хамтран энэ сарын 20-26-ны өдрүүдэд зохион байгуулж байгаа юм. Эрхэм хүүхэд багачууддаа цэвэр агаарт өртөөчилсөн тоглоом, хөтөлбөрт бүжгийн цэнгүүн,баярын зоог, харшийн тоглолт, амтат бэлэг зэргээр үйлчилж хүүхдүүд нэг өдрийн аз жаргалаар дүүрэн өнгөөрөөх боломжтой юм.

1981 оноос өнөөг хүртэл 40 дэх жилдээ зохион байгуулагдаж буй энэхүү наадамд тухайн жилд зохиогдсон олон улсын, үндэсний наадмуудад амжилт гаргасан болон аймаг, орон нутгийн урлагийн авъяаслаг хүүхдүүдийг шалгаруулан оролцуулдагаараа бусад ижил төстэй сүлд модны наадмаас онцлогтой юм.

Харшийн сүлд модны наадмын зохиолыг МУСТА Б.Отгонбат бичиж, найруулсан бөгөөд энэ удаа “Гахайн гурван тооройны гайхамшгийг бүтээсэн үлгэр” нэртэйгээр тоглогдож байна.

Тоглолтод Улаанбаатар хот, Сэлэнгэ, Өвөрхангай, Дорноговь, Баянхонгор,Сүхбаатар, Хэнтий, Хөвсгөл зэрэг аймгуудын 100 гаруй урлагийн авъяаслаг хүүхдүүд уран бүтээлчид оролцож байна гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.