2013 оны 12 сарын 29
Нийслэлийн ИТХ-ын Тэргүүлэгчдийн 12 сарын 20-ны 164-р тогтоолоор Үндэсний эрх чөлөө, тусгаар тогтнолоо сэргээн тунхагласны 102 жилийн ойг тохиолдуулан түүхэн үйл явдлыг дурсан санаж, хүүхэд залуу үеэ Монголын түүх, соёл, уламжлалын мэдлэгтэй болгох, эх түүхээ дээдлэх зорилгоор Монгол Улсын сүүлчийн эзэн хаан VIII Богд Гэгээн Жавзундамба хутагт болон хувьсгалын удирдагчдын дурсгарлд зориулан Богд гэгээний хөшөөг Тусгаар тогтнолын талбайд байршуулах шийдвэр гарсан.
Уг тогтоолын дагуу өнөөдөр Тусгаар тогтнолын талбайд VIII Богд Гэгээн Жавзундамба хутагтын хөшөөний шав тавих ёслолын ажиллагаа боллоо.