Бельгид залуучууд сүлд модыг шатааж “Аллах акбар” хэмээн орилолджээ

Хэдийгээр Бельгийн нийслэлд Шинэ жилийн үеэр түгшүүр зарлаад онцгой байдалд байсан ч Брюссель хотын Андерлехт дүүрэгт хэсэг өсвөр насны хөвгүүд гудамжинд зассан сүлд модыг шатааж “Аллах акбар” хэмээн орилж байсан нь хотын иргэдийг бухимдуулж байна.

Олон нийтийн сүлжээгээр цацагдсан видео бичлэгт хэсэг хөвгүүд сүлд модыг тойрч зогсоод шатах материал бүхий бөмбөг дэлбэлж шатааж байгаа нь харагдана.

Хөвгүүд зугтааж байхдаа “Аллах акбар” буюу “бурхан бол агуу” гэсэн уриа хашхирч байжээ.

Бичлэг хийсэн газар нь Клеменсо метроны өртөө байгаа ба энд мөн тэр шөнө хэсэг залуус суудлын автомашиныг шатны уруу түрж онхолдуулсан байна.

Энэ хэрэг явдал Брюссельчүүдийг цочроож онлайн орчинд өргөн хэлэлцүүлэг өрнөөд байгаа юм. Нэгэн хэрэглэгч “өнөөдөр тэд сүлд мод шатааж байгаа бол маргааш бидний толгойг авах байх” хэмээн сэтгэгдлээ бичжээ.

Эх сурвалж: Russia Today