"Энх-Орчлон" дээд сургууль элсэлт авч байна

“Энх-Орчлон” дээд сургууль нь 1994 онд Сэтгэл судлалын ухааны доктор, профессор С.Санжжав багшийн санаачлагаар Монгол улсад сэтгэл судлалын шинжлэх ухааныг эрчимтэй хөгжүүлэх, дотооддоо мэргэжлийн сэтгэл судлаачдыг бэлтгэх зорилгоор байгуулагдан өргөжин хөгжиж үйл ажиллагаагаа явуулж байна.

Байгуулагдсан цагаас хойш 16 жилийн хугацаанд арвин туршлага хуримтлуулж Монгол улсын дээд боловсролын тогтолцоонд өөрийн гэсэн өвөрмөц байр суурийг эзлэн боловсролын үйлчилгээний чанар, мэргэжлийн боловсон хүчний мэдлэг боловсролыг дээшлүүлэхэд чиглэсэн ажиллагаа явуулсаар ирсэн бөгөөд одоогоор тус сургуульд 30 гаруй эрдэмтэн багш нар сургалтын 13 чиглэлээр мэргэжилтэн бэлтгэж байна.

Түүнчлэн АНУ, БНСУ, БНХАУ, Япон улсын эрдэмтэн багш нар хамтран ажилладаг.