Альберт Эйнштейн бол агуу их физикч байсан. Тэр цаг үеэсээ түрүүлж олон физикийн хуулиудыг нээсэн. Гэхдээ тэр зөвхөн физикч байсангүй. Эйнштейн бас философич байсан бөгөөд амьдралын хуулиудыг ч зөв томъёолж чадсан юм.
Түүний зөв амьдрал, амжилтын тухай гайхалтай тодорхойлолтуудыг хүргэж байна.
Алдах вий гэсэн айдсаасаа болоод ихэнх хүмүүс шинэ юм хийдэггүй. Гэхдээ ингэх хэрэггүй юм. Алдаж үзсэн хүн, шууд амжилт гаргасан хүнээс илүү амжилтын арга замыг мэддэг болно.
30 жилийн дараа чи сургуульд заасан бүгдийг мартах нь гарцаагүй. Харин энэ үед чамд өөрөө сурсан тэр зүйлс чинь үлддэг. Энэ бол жинхэнэ боловсрол юм.
Хүн төрөлхтөн агуйд амьдарч байснаасаа хойш хэр их хөгжсөнийг харахад бид төсөөллийн хүч чадлыг бүрэн ойлгож болно. Өнөөдрийн бидний амьдрал бол өвөг дээдсийн маань төсөөллийн үр дүн. Ирээдүйд ямар байхыг бид одоо дотроо төсөөлж байна.
Бүтээлийн чинь давтагдашгүй, онцгой байдал нь хаанаас чамд ийм зүйл хийх санаа орж ирснээ хэр сайн нуухаас хамаардаг. Чамд хэн нэг агуу хүн санаа өгсөн байж болох ч, хэрвээ дэлхий нийтээрээ чамайг харж байгаа бол таны санаа давтагдашгүй мэт харагдах ёстой.
Хэрвээ бид дэлхийн хэмжээний алдартай хүмүүсийг харвал тэд бүгд энэ дэлхийд ямар нэг зүйл бүтээж өгсөн байдаг. Авах эрхтэй байхын тулд өгөх хэрэгтэй. Таны зорилго үнэ цэнээ нэмэгдүүлэхэд чиглэсэн тэр цагт та амьдралын дараагийн түвшинд шилжинэ.
Хэрвээ огт гайхалтай зүйл байхгүй мэт амьдарвал та бүгдийг ямар ч саадгүйгээр хийж чадна. Харин бүх зүйл гайхалтай мэт амьдарвал энэ дэлхийн өчүүхэн зүйлээс ч сайхныг мэдэрч таашаах юм. Энэ хоёр замыг зэрэгцүүлэн амьдарч чадвал амьдрал тань амжилт бүтээл, аз жаргалаар дүүрэн байх болно.
Өөрийнхөө хүрэхийг хүсч байгаа зорилгын тухай байнга мөрөөдөж төсөөлж байх нь өөдрөг амьдралын салшгүй хэсэг. Мөрөөдлөө хязгаарлалгүй чөлөөтэй байлгаж чадвал хүрэх гэсэн амьдралдаа хүрэх болно.
Бизнес хийх мөрөөдөлтэй бол шууд хийж эхлэх хэрэгтэй. Хүсэл байвч урган гарах бэрхшээлээс нь айж хойшлуулбал юунд ч хүрэхгүй. Энэ нь амьдралын бүх бүх зүйлд ижил үйлчилнэ. Ялахын тулд шууд тоглож эхлэх хэрэгтэй.
Дүрмээ судлаад бусдаас илүү тогло. Бүх зүйл дээр үр дүнгээ харуулах болно.
Ухаантай хүмүүс үргэлж асуулт асуудаг. Шийдэл олохын тулд өөрөөсөө асуу, бас бусдаас асуу. Ингэх нь шинэ зүйлд суралцах, мэдлэгээ нэмэгдүүлэхэд тустай.
Амьдралд тэсч үлдэхийн тулд зогсолтгүй зүтгэх хэрэгтэй. Хэрвээ зогсвол амьдрал дуусна.