Монгол хүний давсны хэрэглээ ДЭМБ-ын зөвлөмж хэмжээнээс өндөр хэвээр байна
Давсны хэт хэрэглээ ба зарим сөрөг нөлөөллийн талаар Нийгмийн Эрүүл Мэндийн Үндэсний Төв (НЭМҮТ)-өөс мэдээллээ.
Давсыг хэтрүүлэн хэрэглэх нь:
- Цусны даралт ихсэх
- Зүрх судасны өвчин
- Чихрийн шижин
- Зарим төрлийн хавдар зэрэг халдварт бус өвчний эрсдэлийг нэмэгдүүлдэг.
Монгол Улсад 2019 онд хийгдсэн “Халдварт бус өвчин, осол гэмтлийн шалтгаан, эрсдэлт хүчин зүйлсийн тархалтын үндэсний IV судалгаа”-гаар хүн амын давсны хоногийн дундаж хэрэглээ 10.5 г байгаа нь ДЭМБ-аас зөвлөсөн хэмжээнээс хоёр дахин өндөр байна.
Давсны хэрэглээг хоногт тав грамм хүртэл бууруулснаар:
- Цусны даралт ихсэх эрсдэл 30 хувиар буурна.
- Зүрх судасны өвчний шалтгаант нас баралт 17 хувиар буурна.
- Тархины харвалтын шалтгаант нас баралт 23 хувиар буурна.
- Эрүүл мэндийн тусламж, үйлчилгээний зардлыг бууруулахад тусална.
- Хөдөлмөрийн чадвар алдалт багасаж, бүтээмж нэмэгдэнэ.
Монгол хүний давсны хэрэглээ ДЭМБ-аас зөвлөсөн хэмжээнээс өндөр хэвээр байна. Хоолондоо давс бага хэрэглэх, давс ихтэй боловсруулсан хүнсний хэрэглээг бууруулах нь эрүүл мэндээ хамгаалах энгийн алхам гэдгийг НЭМҮТ-өөс зөвлөлөө.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
