Төв талбайн сүлд модны гэрлийг арванхоёрдугаар сарын 15-нд асаана
Нийслэлийн Засаг дарга “Шинэ жилийг угтах, тэмдэглэх нийслэлийн Ажлын хэсэг байгуулах тухай” захирамж гаргаж, зохион байгуулах нийслэлийн Ажлын хэсгийг байгууллаа.
Ажлын хэсгийн даргаар Нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл ажиллах юм байна. Төлөвлөгөөний дагуу шинэ жилийн баярын сүлд модны гэрэл асаах ёслолыг арванхоёрдугаар сарын 15-ны өдөр, цэнгүүнийг 31-ний өдөр Чингис хааны талбайд зохион байгуулах ажээ.
Нийслэлийн иргэдийг хамарсан дээрх ажлуудын бэлтгэлийг хангаж, тэмдэглэн өнгөрүүлэх нэгдсэн төлөвлөгөө гаргахыг Нийслэлийн Ажлын хэсэг хариуцаж ажиллах бол шинэ жилийн баярын үйл ажиллагааны хүрээнд нутаг дэвсгэртээ иргэд, олон нийтийг хамарсан нийтийн цэнгүүн зохион байгуулж ажиллахыг дүүргүүд тус бүртээ зохион байгуулах юм байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
